മാഡ്രിഡ്: കളി എഴുത്തുകാര് വിദൂര സാധ്യത കല്പ്പിച്ചിരുന്ന ആ തോല്വി സംഭവിച്ചു. പരാജയമറിയാതെ മുന്നേറിയ ലിവര്പൂളിനെ എതിരില്ലാത്ത ഒറ്റ ഗോളിന് മുട്ടുകുത്തിച്ച് സ്പാനിഷ് ക്ലബ്ബായ അത്ലറ്റികോ മാഡ്രിഡ് ഞെട്ടിച്ചു. ഇന്ന് വെളുപ്പിന് വാന്റാ മെട്രോപോളിറ്റാനോ സ്റ്റേഡിയത്തില് നടന്ന മത്സരത്തിലാണ് ജുര്ഗന് ക്ലോപ്പിന്റെ ചെമ്പട ലീഗ് സീസണ് തുടങ്ങിയിട്ട് ആദ്യ പരാജയമറിഞ്ഞത്. കളിയുടെ തുടക്കത്തില് 4-ാം മിനിറ്റിലാണ് സൗള് നിഗോസ് അത്ലറ്റിക്കോക്ക് വേണ്ടി ആ നിര്ണ്ണായക ഗോള് നേടിയത്. 16-ാം റൗണ്ടിലെ ആദ്യ പാദത്തിലാണ് തോല്വി സംഭവിച്ചിരിക്കുന്നത്.
കോര്ണര് കിക്കിന് ശേഷം കിട്ടിയ അവസരമാണ് നിഗോസ് ഗോളാക്കിയത്. ബോക്സിനടുത്ത് കിട്ടിയ പന്ത് ലിവര്പൂളിന്റെ ഫാബിയാനോയെ കടന്നാണ് നിഗോസിലേക്ക് വന്നത്. പോസ്റ്റിന് തൊട്ടടുത്തുകിട്ടിയ അസുലഭ അവസരം അത്ലറ്റികോയുടെ ഭാഗ്യ ഗോളായി മാറി. രണ്ടാം പകുതിയില് സൂപ്പര്താരം മുഹമ്മദ് സലായടക്കം കിണഞ്ഞു പരിശ്രമിച്ചിട്ടും ശക്തമായ അത്ലറ്റികോ പ്രതിരോധം മറികടക്കാനായില്ല.
പ്രീമിയര് ലീഗിലെ 26 റൗണ്ടുകളും ചാമ്പ്യന്സ് ലീഗിലെ 16 റൗണ്ടുകളും കളിച്ചിട്ടും ലിവര്പൂള് തോല്ക്കാന് സമ്മതിച്ചിരുന്നില്ല. കളിയുടെ മുക്കാല് ശതമാനം സമയവും പന്ത് കയ്യിലായിട്ടും ലിവര്പൂളിനെക്കൊണ്ട് ഗോളടിപ്പിക്കാന് അത്ലറ്റികോ ഇത്തവണ സമ്മതിച്ചില്ല.അതോടെ ഫൗളുകളും പലതവണ കണ്ടു. അത്ലറ്റികോ 11ഉം ലിവര്പൂള് 13ഉം ഫൗളുകള് കാണിച്ചു.അതിന് അത്ലറ്റികോക്ക് ഒന്നും ലിവറിന് രണ്ടും മഞ്ഞ കാര്ഡുകളും കാണേണ്ടിവന്നു. 6-ാം റൗണ്ടിലെ രണ്ടാം പാദമത്സരം മാര്ച്ച് മാസം 12-ാം തിയതി ലിവര്പൂള് തട്ടകമായ ആന്ഫീല്ഡില് അരങ്ങേറും.