ബാഴ്സലോണ: സൈന സ്പെയിന് മാസ്റ്റേഴ്സ് ബാഡ്മിന്റണിന്റെ ക്വാര്ട്ടറില് കടന്നു. ബാഴ്സലോണയില് നടക്കുന്ന ടൂര്ണമെന്റിലാണ് സൈന മുന്നേറിയിരിക്കുന്നത്. ഉക്രെയിനിന്റെ മരിയ ഉലിറ്റീനയെയാണ് സൈന നെഹ്വാള് പ്രീക്വാര്ട്ടറില് തോല്പ്പിച്ചത്. 21-10, 21-19 എന്ന പോയിന്റ് നിലയിലാണ് സൈന ജയം നേടിയത്. ഏതിരാളിക്ക് ഒരിക്കല് പോലും അവസരം നല്കാതെയാണ് ആദ്യ ഗെയിം അനായാസം സൈന നേടിയത്.
രണ്ടാമത്തേതില് മരിയ കൂടുതല് കരുത്തോടെ തിരിച്ചുവന്നെങ്കിലും നിര്ണ്ണായകമായ രണ്ടു ഗെയിമുകള് സ്വന്തമാക്കി സൈന മത്സരം വരുതിയിലാക്കി. വനിതാ വിഭാഗം ഡബിള്സില് അശ്വനി പൊന്നപ്പയും റെഡ്ഡി സിക്കിയും ബള്ഗേറിയയുടെ ഗാബ്രിയേല സ്റ്റോയേവ- സ്റ്റെഫാനി സ്റ്റോയേവ സഹോദരിമാരുടെ സഖ്യത്തെയും തോല്പ്പിച്ച് മുന്നേറിയിട്ടുണ്ട്.
ടൂര്ണമെന്റില് ഇന്ത്യന് പുരുഷ താരങ്ങളും മുന്നേറ്റത്തിലാണ്. സമീര്വര്മ ജര്മ്മനിയുടെ കായ് ഷെയ്ഫറെ 21-14, 16-21, 21-15 എന്ന നിലയില് തോല്പ്പിച്ച് ക്വാര്ട്ടറില് കടന്നു. രണ്ടു ഇന്ത്യന് താരങ്ങളുടെ പോരാട്ടം കണ്ട മറ്റൊരു മത്സരത്തില് ശ്രീകാന്തിനെ 21-6,21-17ന് അജയ് ജയറാം തോല്പ്പിച്ചു.