ഉയരം കുറവായതിന്റെ പേരില് സ്കൂളിലെ കുട്ടികള് ക്രൂരമായി അപമാനിച്ച ക്വാഡന് എന്ന കുഞ്ഞിനെ കുറിച്ചാണ് ഇപ്പോള് സാമൂഹ്യ മാദ്ധ്യമങ്ങള് ചര്ച്ച ചെയ്യുന്നത്. ഇന്നലെ ലോകത്തിന്റെ നൊമ്പരമായിരുന്ന അവന് ഇന്ന് ഹീറോയായി മാറിയിരിക്കുന്നു. ഓസ്ട്രേലിയയിലെ നാഷണല് റഗ്ബി ലീഗിന്റെ ഇന്ഡിജെന്സ് ഓള് സ്റ്റാര്സ് ടീമിനെ ഇന്ന് മുന്നില് നിന്നും നയിച്ചത് ക്വാഡനാണ്. ക്വീന്ലാന്ഡിലെ ഗോള്ഡ് കോസില് നടക്കുന്ന മത്സരത്തിലേക്ക് ടീമിനെ ഫീല്ഡിലേക്ക് നയിക്കാന് ഇന്നലെയാണ് അധികൃതര് ക്വാഡനെ ക്ഷണിച്ചത്.
താരങ്ങള്ക്കൊപ്പം ഗ്രൗണ്ടില് ഇറങ്ങാനും ഇരു ടീം അംഗങ്ങള്ക്കും കൈകൊടുക്കാനുമുള്ള അവസരമാണ് ക്വാഡന് ലഭിച്ചത്. സാമൂഹ്യമാദ്ധ്യമങ്ങളില് ഏറെ ചര്ച്ച ചെയ്യപ്പെട്ട വീഡിയോയായിരുന്നു ക്വാഡന്റേത്. ‘എന്നെയൊന്ന് കൊന്നു തരാമോ? ഹൃദയത്തിലേക്ക് കത്തി കുത്തിയിറക്കി മരിക്കാനാണ് തോന്നുന്നത് ‘ എന്നിങ്ങനെയാണ് ക്വാഡന് വീഡിയോയില് തന്റെ അമ്മയോട് പറയുന്നത്.
ക്വാഡന്റെ അമ്മ തന്നെയാണ് ഫേസ്ബുക്കില് വീഡിയോ പോസ്റ്റ് ചെയ്തത്. ഉയരം കുറവായതിന്റെ പേരില് നിരന്തരം പരിഹാസത്തിന് ഇരയാവുകയായിരുന്നു ക്വാഡന് . അമ്മയെ കണ്ടതും അവന് അപമാനങ്ങളും സങ്കടങ്ങളും തുറന്നു പറഞ്ഞ് പൊട്ടിക്കരയുകയായിരുന്നു. ഇത്തരത്തിലുള്ള പരിഹാസം എങ്ങനെയാണ് ഒരു കുഞ്ഞിനെ തകര്ക്കുന്നതെന്ന് മനസ്സിലാക്കാനാണ് ക്വാഡന്റെ അമ്മ ഈ വീഡിയോ പങ്കു വെച്ചത്.
വീഡിയോ പങ്കുവെച്ച് നിമിഷങ്ങള്ക്കകം നിരവധി പേര് ക്വാഡന് പിന്തുണയുമായെത്തി. 1.80 കോടിയിലധികം പേരാണ് ക്വാഡന്റെ വീഡിയോ കണ്ടത്.