ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ 27-ാം റൗണ്ട് പോരാട്ടങ്ങളില്‍ ചെല്‍സിക്കും സിറ്റിക്കും ജയം. മറ്റ മത്സരങ്ങളില്‍ ക്രിസ്റ്റല്‍ പാലസ് , സതാംപ്ടണ്‍, ബേണ്‍ലി എന്നിവരും ജയം നേടി.
ചെല്‍സി-ടോട്ടനം പോരാട്ടം ഏറെ കാണികളെ ആകര്‍ഷിച്ച പോരാട്ടമായിരുന്നു. 2-1 നായിരുന്നു ചെല്‍സി വിജയിച്ചത്. 15-ാം മിനിറ്റിലും 48-ാം മിനിറ്റിലും നേടിയ ഗോളുകളിലൂടെ തുടക്കത്തിലേ ചെല്‍സിയാണ് മുന്നിലെത്തിയത്. എതിരാളിക്കുള്ള ഗോളും ചെല്‍സിതന്നെ നല്‍കിയെന്നതും ഇന്നലത്തെ പ്രത്യേകതയായി. ചെല്‍സിക്കായി 15-ാം മിനിറ്റില്‍ ഒലിവിയര്‍ ഗിറൗഡാണ് ആദ്യ ഗോള്‍ നേടിയത്. കളിയുടെ 48-ാം മിനിറ്റില്‍ മാര്‍കോസ്സ് അലോണ്‍സോ രണ്ടാം ഗോളും നേടി. ടോട്ടനത്തിനായി 89-ാം മിനിറ്റില്‍ ചെല്‍സിയുടെ അന്റോണിയോയുടെ റൂഡിഗറുടെ സേവ് പക്ഷെ സ്വന്തം വലിയിലേക്കായിപ്പോയി.
മാഞ്ചസ്റ്റര്‍ സിറ്റിയും ലെസ്റ്ററും തമ്മിലുള്ള പോരാട്ടത്തില്‍ ഏക ഗോളിനായിരുന്നും മാഞ്ചസ്റ്റര്‍ സിറ്റിയുടെജയം. കളിയുടെ അവസാനത്തോടടുപ്പിച്ച് 80-ാം മിനിറ്റില്‍ മാത്രമാണ് അവസരം മുതലാക്കാന്‍ സിറ്റിക്കായത്. കളിയുടെ മുക്കാല്‍ സമയവും പന്ത്‌ കൈവശം വച്ചിട്ടും സിറ്റിയെ ഗോളടിക്കാന്‍ ലെസ്റ്റര്‍ സമ്മതിച്ചില്ല.
ബേണ്‍ലീ- ബേണ്‍മൗത്ത് മത്സരത്തില്‍ ആതിഥേയര്‍ എതിരില്ലാത്ത മൂന്നു ഗോളുകള്‍ക്കാണ് ജയിച്ചത്. എല്ലാം കളിയുടെ രണ്ടാം പകുതിയിലായിരുന്നു. മാറ്റേജ് വൈദ്ര 53-ാം മിനിറ്റിലും പെനാല്‍റ്റി മുതലാക്കി ജെയ് റോഡ്രിഗസ് 61-ാം മിനിറ്റിലും കളിതീരാന്‍ മൂന്ന് മിനിറ്റ് അവശേഷിക്കേ വൈറ്റ് മക്‌നീലും ബേണ്‍ലീക്കായി എതിരാളികളുടെ ഗോള്‍േ വല ചലിപ്പിച്ചു.
ക്രിസ്റ്റല്‍പാലസ്-ന്യൂകാസില്‍ പോരാട്ടത്തില്‍ 44-ാം മിനിറ്റില്‍ പാട്രിക് ആന്‍ഹോള്‍ട്ട് നേടിയ ഏക ഗോളിനാണ് വിലപ്പെട്ട രണ്ടു പോയിന്റ് ക്രിസ്റ്റല്‍ പാലസ് സ്വന്തമാക്കിയത്.കളിയുടെ അവസാന നിമിഷം ന്യൂകാസിലിന്റെ വാലെന്റീനോ ലസാരോക്ക് ചുവപ്പുകാര്‍ഡുകണ്ട് പുറത്തുപോകേണ്ടി വരികയും ചെയ്തു.
സതാംപ്ടണ്‍- ആസ്റ്റണ്‍ വില്ല പോരാട്ടത്തില്‍ എതിരില്ലാത്ത രണ്ടു ഗോളുകള്‍ക്ക് സതാംടണും ജയം നേടി.തുടക്കത്തില്‍ 8-ാം മിനിറ്റില്‍ ഷെയിന്‍ ലോംഗും കളിയുടെ അവസാന നിമിഷം 90 + 5-ാം മിനിറ്റില്‍ സ്റ്റുവര്‍ട്ട് ആംസ്‌ട്രോംഗും സതാംപ്ടണിനായി ഗോളുകള്‍ ടി.ഷെഫ്യുണൈറ്റഡ്- ബ്രൈറ്റണ്‍ മത്സരം സമനിലയിലായി. പുറകേ പുറകേ ഇരുടീമുകളും ഗോളടിക്കുക യായിരുന്നു. 26-ാം മിനിറ്റില്‍ എന്‍ഡാ സ്റ്റീവെന്‍സണിന്റെ വക ഷെഫ് ലീഡ് നേടിയെങ്കിലും 30-ാം മിനിറ്റില്‍ നീല്‍ മാവുപേ ബ്രൈറ്റണിന് സമനില നേടിക്കൊടുത്തു.
