കൊച്ചി: സീസണിൽ മികച്ച പിന്തുണ നൽകിയ ആരാധകർക്ക് നന്ദി അറിയിച്ച് കേരള ബ്ലാസ്റ്റേഴ്സ് നായകൻ ബർത്തലോമിയ ഓഗ്ബച്ചെ. ആറാം സീസണിലെ മത്സരങ്ങൾ അവസാനിച്ചതോടെയാണ് ബ്ലാസ്റ്റേഴ്സ് നായകൻ ആരാധകർക്ക് നന്ദി അറിയിച്ച് രംഗത്തെത്തിയത്.
കേരളാ ബ്ലാസ്റ്റേഴ്സ് ഫാൻസ്, ഞാൻ നിങ്ങളെ വളരെയധിയകം സ്നേഹിക്കുന്നു. നിങ്ങളുടെ പിന്തുണയ്ക്ക് ഹൃദയം നിറഞ്ഞ നന്ദി അറിയിക്കുന്നു. ഞങ്ങളുടെ വിഷമകരമായ ഘട്ടങ്ങളിൽ ഞങ്ങളെ തനിച്ചാക്കാതെ നിങ്ങൾ ഒപ്പം നിന്നു. ആദ്യാവസാനം ഞങ്ങൾക്കൊപ്പം നിന്ന നിങ്ങൾക്ക് എത്ര നന്ദി പറഞ്ഞാലും മതിയാവില്ല.
വളരെ അതിശകരമായിരുന്നു ലഭിച്ച പിന്തുണ. ഞാനെന്റെ നാട്ടിലാണെന്നത് പോലെ എനിക്ക് തോന്നി. ഞങ്ങൾക്ക് ഊഷ്മളമായ വരവേൽപ്പാണ് ലഭിച്ചത്. ഈ സീസൺ അതിശകരമായിരുന്നു. അതിനു ഞാൻ മാനേജ്മെന്റിനും സഹതാരങ്ങൾക്കും സ്റ്റാഫിനും നന്ദിയറിയിക്കുന്നു. ഒരു പ്ലെയർ എന്ന നിലയിൽ ഇനിയും പുരോഗമിക്കാനും നല്ല പ്രകടനങ്ങൾ കാഴ്ചവയ്ക്കാനും ഞാൻ ആഗ്രഹിക്കുന്നു. ഈ സീസൺ മികച്ചതായിരുന്നില്ല. പക്ഷെ തോൽവികളിൽ നിന്ന് പാഠങ്ങൾ ഉൾക്കൊണ്ടു ഞങ്ങൾ മുൻപോട്ടു പോകുമെന്നും ഓഗ്ബച്ചെ പറഞ്ഞു.