ലണ്ടന്: യൂറോപ്പാ ലീഗില് നാളെ പ്രമുഖ ടീമുകള്ക്കെല്ലാം സ്വന്തം തട്ടകത്തില് നിര്ണ്ണായക പോരാട്ടം. എല്ലാവരും പ്രീക്വാര്ട്ടറിന്റെ രണ്ടാം പാദപോരാട്ടങ്ങള്ക്കാണിറങ്ങുന്നത്. എല്ലാ മത്സരങ്ങളും വെളുപ്പിന് 1.30നാണ് നടക്കുക.
മാഞ്ചസ്റ്റര് യുണൈറ്റഡിന്റെ എതിരാളി ക്ലബ്ബ് ബ്രൂഗെയാണ്. ആദ്യ പാദത്തില് യുണൈറ്റഡിനെ സമനിലയില് തളച്ച ആത്മവിശ്വാസത്തിലാണ് ബ്രൂഗെ. നാളെ ജയിക്കാതെ യുണൈറ്റഡിന് ക്വാര്ട്ടറിലേക്ക് കടക്കാനാകില്ല. ഇംഗ്ലീഷ് ക്ലബ്ബില് ആഴ്സണലാണ് മറ്റൊരു ടീം. എതിരാളികള് ശക്തരായ ഒളിമ്പിയാക്കോസാണ്. ആദ്യപാദത്തില് എതിരില്ലാത്ത ഒരു ഗോളിന് ജയിച്ചതിനാല് സമനില കിട്ടിയാലും ക്വാര്ട്ടറിലെത്താം.
ഇറ്റാലിയന് ലീഗിലെ ഇന്റര് മിലാനും ഡച്ച് ലീഗിലെ വമ്പന്മാരായ അജാക്സും സ്പാനിഷ് ലീഗിലെ സെവിയയും നാളെ സ്വന്തം തട്ടകത്തിലിറങ്ങും. ആദ്യ പാദത്തില് 2-0ന് ലൂഡോഗോററ്റ്സിനെ തോല്പ്പിച്ച മുന്തൂക്കത്തിലാണ് ഇറങ്ങുന്നത്. എന്നാല് അജാക്സിന് ഗെറ്റാഫെയോട് ജയിച്ചേ മതിയാക്കൂ. 0-2ന് ആദ്യ പാദത്തിലേറ്റ തോല്വി മറികടക്കാന് കുറഞ്ഞത് 3 ഗോളുകളെങ്കിലും അടിച്ചേപറ്റൂ. സെവിയ1-1നാണ് സിഏഫ് ആര് ക്ലൂജിനോട് സമനില വഴങ്ങിയത്. ജയം സെവിയക്കും അനിവാര്യമാണ്.