ലണ്ടന്: എഫ് എ കപ്പില് മാഞ്ചസ്റ്റര് സിറ്റിയും ലെസ്റ്ററും ക്വാര്ട്ടറില് പ്രവേശിച്ചപ്പോള് ടോട്ടനത്തിന് പ്രീക്വാര്ട്ടര് ഞെട്ടിക്കുന്ന തോല്വി. ഇതോടെ ഇന്നലെ പ്രീമിയല് ലീഗ് വമ്പന്മാരായ ലിവര്പൂളിനെ തോല്പ്പിച്ച ചെല്സിക്കും ന്യൂകാസിലിനും ഷെഫ്യുണൈറ്റഡിനും ക്വാര്ട്ടര് പ്രവേശനം ലഭിച്ചു.
ഇന്നലെ നടന്ന ആദ്യ കളിയില് ടോട്ടനത്തെ 3-2നാണ് നോര്വിച്ച് സിറ്റി തോല്പ്പിച്ചത്.നിശ്ചിത സമയത്ത് ഇരുടീമുകളും 1-1ന് സമനില പാലിച്ചശേഷം പെനാല്റ്റിയിലാണ് നോര്വിച്ച് ടോട്ടനത്തെ മറികടന്നത്. ടോട്ടനത്തിനായി ജാന് വെര്ട്ടോഹന് 13-ാം മിനിറ്റില് ഗോള്നേടിയെങ്കിലും നോര്വിച്ചിന് ജോസിപ്പ് ദ്രിമിക് 78-ാം മിനിറ്റില് സമനില ഗോള് നേടി. തുടര്ന്നാണ് പെനാല്റ്റിയിലൂടെ മത്സരഫലം നിര്ണ്ണയിച്ചത്.
രണ്ടാംമത്സരത്തില് മാഞ്ചസ്റ്റര് സിറ്റി എതിരില്ലാത്ത ഒരു ഗോളിനാണ് ഷെഫ് വെഡ്നെസ്ഡേ ക്ലബ്ബിനെ തോല്പ്പിച്ചത്. സിറ്റിക്കായി സൂപ്പര്താരം സെര്ജീയോ അഗ്യൂറോയുടെ വകയാണ് 53-ാം മിനിറ്റിലാണ് വിജയഗോള് പിറന്നത്.
മൂന്നാം മത്സരത്തില് ലെസ്റ്റര്സിറ്റി 1-0നാണ് ബിര്മിംഗ്ഹാമിനെ തോല്പ്പിച്ചത്. ലെസ്റ്ററിനായി റിക്കാഡോ പെരേരയാണ് 82-ാം മിനിറ്റില് ഗോള് നേടിയത്. നാലാം മത്സരത്തില് ഷെഫ് യുണൈറ്റഡ് ഒന്നിനെതിരെ രണ്ടുഗോളുകള്ക്കാണ് റെഡ്ഡിംഗിനെ പരാജയപ്പെടുത്തിയത്. ഷെഫിനായി 2-ാം മിനിറ്റില്ത്തന്നെ ഡേവിഡ് മക്ഗോള്ഡ്രിക് ആദ്യ ഗോള്നേടി. എന്നാല് റെഡ്ഡിംഗിനായി 43-ാം മിനിറ്റില് ജോര്ജീ പുകാസ് പെനാല്റ്റിയിലൂടെ സമനില പിടിച്ചു. എന്നാല് അവസാന നിമിഷത്തിലെ അധികസമയത്ത് ബില്ലി ഷാര്പ്പ് വിജയഗോളും നേടി.
