മുംബൈ: ദക്ഷിണാഫ്രിക്കെക്കിതാര ഏകദിന പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. വിരാട് കോഹ് ലി നയിക്കുന്ന ടീമിൽ പരിക്കിൽ നിന്ന് മോചിതരായ മൂന്ന് പ്രധാന താരങ്ങളെ ഉൾപ്പെടുത്തിയിട്ടുണ്ട്. ഓപ്പണർ ശിഖർ ധവാൻ, ബാറ്റിംഗിലും ബൗളിംഗിലും വെടിക്കെട്ട് പ്രകടനം കാഴ്ചവെക്കുന്ന ഹർദ്ദിക് പാണ്ഡ്യ, പേസർ ഭവനേശ്വർ കുമാർ എന്നിവരാണ് ടീമിലേക്ക് തിരികെയെത്തിയത്. പരിക്കിന്റെ പിടിയിലായതിനാൽ ഹിറ്റ്മാൻ രോഹിത് ശർമ്മയെ ടീമിൽ ഉൾപ്പെടുത്തിയിട്ടില്ല.
ധവാനും രോഹിത്തിനും പരിക്കേറ്റ സമയം ഓപ്പണിംഗിൽ ഇന്ത്യ നടത്തിയ പരീക്ഷണങ്ങൾ കാര്യമായി വിജയിച്ചില്ല. മികച്ച ഫോമിലുള്ള രാഹുലിനൊപ്പം ശിഖർ ധവാൻ കൂടി ചേരുന്നതോടെ ഓപ്പണിംഗ് ശക്തമാകും. മധ്യനിരയിൽ വെടിക്കെട്ട് തീർക്കുന്ന ഹർദ്ദികിന്റെ അഭാവം കഴിഞ്ഞ പരമ്പരയിൽ ഇന്ത്യ അനുഭവിച്ചതാണ്. പരിക്കിൽ നിന്ന് മോചിതനായി മികച്ച് ഫോമിൽ തന്നെയാണ് താരം മടങ്ങിയെത്തുന്നത്. കഴിഞ്ഞ ദിവസം നടന്ന പ്രദേശിക മത്സരങ്ങളിൽ തുടർച്ചയായി രണ്ട് സെഞ്ച്വറി നേടിയാണ് ഹർദ്ദിക് തന്റെ വരവറിയിച്ചത്.
മുഹമ്മദ് ഷമിയ്ക്ക് വിശ്രമമനുവദിച്ചതോടെയാണ് ഭുവനേശ്വറിനെ മടക്കി വിളിച്ചത്. പരിക്കിൽ നിന്ന് മോചിതനായ ഭുവനേശ്വർ കുമാറും മികച്ച ഫോമിലാണുള്ളത്. ബൂമ്രയ്ക്കൊപ്പം ഭുവി കൂടി ചേരുന്നതോടെ ഇന്ത്യയുടെ പേസ് ആക്രമണത്തിന് ശക്തി കൂടും. വിക്കറ്റ് കീപ്പറായി ഋഷഭ് പന്തിനെ തന്നെയാണ് ടീമിൽ ഉൾപ്പെടുത്തിയിരിക്കുന്നത്.
ടീം:- ശിഖര് ധവാന്, പൃഥ്വി ഷാ, വിരാട് കോഹ് ലി, കെഎല് രാഹുല്, മനീഷ് പാണ്ഡെ, ശ്രേയസ് അയ്യര്, ഋഷഭ് പന്ത്, ഹര്ദ്ദിക് പാണ്ഡ്യ, രവീന്ദ്ര ജഡേജ, ഭുവനേശ്വര് കുമാര്, യൂസ് വേന്ദ്ര ചാഹല്, ജസ്പ്രീത് ബൂമ്ര, നവദീപ് സെയ്നി, കുല്ദീപ് യാദവ്, ശുഭ്മാന് ഗില്
