രാജ്കോട്ട്: രഞ്ജി ട്രോഫി ഫൈനലിനിടെ ഓണ് ഫീല്ഡ് അമ്പയര് സി. ഷംസുദ്ദീന് പരിക്ക്. അടിവയറ്റില് പന്തുകൊണ്ട് പരിക്കേറ്റ ഷംസുദ്ദീന് കലാശപ്പോരാട്ടത്തില് ഉണ്ടാകില്ല. ബംഗാളും സൗരാഷ്ട്രയും തമ്മിലുള്ള മത്സരത്തിന്റെ ആദ്യ ദിവസമാണ് സംഭവം.
വേദന രൂക്ഷമായതിനെത്തുടര്ന്ന് രണ്ടാം ദിവസം കളത്തിലിറങ്ങാന് കഴിയാതിരുന്നതോടെ ഷംഷുദ്ദീനെ ഒരു പ്രാദേശിക ആശുപത്രിയില് പരിശോധനയ്ക്ക് വിധേയനാക്കി. ഷംഷുദ്ദീന് പകരക്കാരനായി യശ്വന്ത് ബാര്ഡെ മൂന്നാം ദിവസം അമ്പയാകും.
ഷംസുദ്ദീനു പരിക്കേറ്റതോടെ ഓണ്-ഫീല്ഡ് അമ്പയറായിരുന്ന അനന്ത പത്മനാഭനാണ് ആദ്യ സെഷന് നിയന്ത്രിച്ചത്. പ്രാദേശിക അമ്പയറായ പീയൂഷ് ഖക്കര് സ്ക്വയര് ലെഗില് അനന്തപത്മനാഭനെ സഹായിച്ചു. ഉച്ചഭക്ഷണത്തിന് ശേഷം എസ് രവി പത്മനാഭനൊപ്പം മത്സരത്തിന്റെ ഭാഗമായി.
