ഗ്രീസ്സ്: യൂറോപ്പാ ലീഗിലെ പ്രീക്വാര്‍ട്ടര്‍ മത്സരങ്ങള്‍ കൊറോണാ കാലത്ത് അനാവശ്യ റിസ്‌ക് എടുക്കലാണെന്ന അവകാശവാദവുമായി വീണ്ടും ഇംഗ്ലീഷ് ക്ലബ്ബുകള്‍ രംഗത്ത്. വൂള്‍വ്‌സാണ് യൂറോപ്പാ ലീഗ് മത്സരങ്ങളിലെ ഒളിമ്പിയാക്കോസിലെ പോരാട്ടങ്ങള്‍ നടത്തരുതെന്ന അഭ്യര്‍ത്ഥനയുമായി രംഗത്തെത്തിയത്. മത്സരങ്ങള്‍ അടച്ചിട്ട സ്റ്റേഡിയത്തിലാണ് നടത്താന്‍ ഉദ്ദേശിച്ചതെങ്കിലും താരങ്ങളുടെ യാത്ര ആരോഗ്യത്തെ ബാധിക്കുമെന്ന മുന്നറിയിപ്പാണ് വൂള്‍വ്‌സ് ക്ലബ്ബ് പ്രതിനിധി നല്‍കുന്നത്.
ഒരാഴ്ച മുന്നേ വൂള്‍വ്‌സ് യുവേഫയോട് നടത്തിയ അഭ്യര്‍ത്ഥന നിരസിച്ചിരുന്നു.ഗ്രീസ്സില്‍ നടക്കാനിരിക്കുന്ന മറ്റ് മത്സരങ്ങളും നിലവില്‍ മാറ്റിവക്കുകയോ സ്ഥലം മാറ്റുകയോ വേണമെന്ന ആവശ്യമാണ് ക്ലബ്ബ് ഉന്നയിക്കുന്നത്. 1000 ടിക്കറ്റുകള്‍ വൂള്‍വ്‌സ് മത്സരത്തിനായി വില്‍ക്കുകയും ചെയ്തിരുന്നു.
‘ഫുട്‌ബോള്‍ മാത്രമല്ല ജീവിതത്തില്‍ പ്രധാനം. ഞങ്ങളുടെ ആരോഗ്യവും പൊതുസമൂഹ ത്തിന്‍രെ ആരോഗ്യവും ഒരു പോലെ ബാധകമാണ്. നിലവില്‍ ഞങ്ങളുടെ യാത്ര ഒരനാവശ്യ റിസ്‌ക് എടുക്കലാണ്. കളിക്കാര്‍ക്കൊപ്പം, പരിശീലകരും മറ്റ് സഹപ്രവര്‍ത്തകരും പലരുടേ യും കുടുംബങ്ങളും യാത്രചെയ്യേണ്ടിവരുന്നത് വലിയ പ്രശ്‌നം ഉണ്ടാക്കും.’ വൂള്‍വ്‌സ് പ്രതിനിധി അറിയിച്ചു.
ഇതിനിടെ യൂറോപ്പാ ലീഗിലെ പ്രമുഖ ക്ലബ്ബുകളായ നോട്ടിംഹാം ഫോറസ്റ്റ്, ഒളിമ്പിയാക്കോസ് എന്നീ ക്ലബ്ബുകളുടെ ഉടമയായ ഇവാന്‍ഞ്ചെലോസ് മാറിനാക്കിസിനെ കൊറോണ ബാധ കാരണം ആശുപത്രിയിലാക്കി.
