സിഡ്നി: കോവിഡ്-19 സംശയത്തില് ക്രിക്കറ്റ് താരവും. ഓസ്ട്രേലിയയുടെ കെയിന് റിച്ചാഡ്സണാണ് കോവിഡ്-19 സംശയത്തെ തുടര്ന്ന് കോറന്റൈന് സംവിധാനത്തിലായിരിക്കുന്നത്. ഇതോടെ ന്യൂസിലാന്റിനെതിരായ ഏകദിന പരമ്പരയില് നിന്നും റിച്ചാഡ്സണെ ഒഴിവാക്കി.പകരം പേസ് ബൗളര് സീന് അബോട്ടിനെ ഉള്പ്പെടുത്തിയിട്ടുണ്ട്. ടീമിലെ മറ്റ് താരങ്ങളേയും കോവിഡ്-19 ന്റെ പേരില് പരിശോധിക്കുമെന്നാണറിവ്.
കോവിഡ്-19 കാരണം ഇരുരാജ്യങ്ങള് തമ്മിലുള്ള മത്സരം അടച്ചിട്ട സ്റ്റേഡിയത്തിലാണ് നടത്താന് തീരുമാനിച്ചിരിക്കുന്നത്. കെയിനിന് പ്രത്യേകതരം തൊണ്ടവേദനയാണ് അനുഭവപ്പെട്ടത്. അണുബാധമൂലമാണെന്ന് സ്ഥിരീകരിച്ചിട്ടുണ്ട്. എന്നാലും തങ്ങള് സര്ക്കാറിന്റെ നിര്ദ്ദശം പാലിക്കാന് ബാധ്യസ്ഥരാണ്. മറ്റ് താരങ്ങളില് നിന്ന് കെയിനിനെ മാറ്റിനിര്ത്താനും അടുത്ത 14 ദിവസത്തേക്ക് യാത്രകളെല്ലാം ഒഴിവാക്കി നിരീക്ഷിക്കാനുമാണ് തീരുമാനമെന്ന് ഓസ്ട്രേലിയന് ക്രിക്കറ്റ് ബോര്ഡ് അറിയിച്ചു. പരിശോധനയില് നെഗറ്റീവായാല് റിച്ചാഡ്സണിനെ ഉടന് ടീമിലെടുക്കുമെന്നും എസിബി വൃത്തങ്ങള് സൂചിപ്പിച്ചു.
