ന്യൂഡല്ഹി: ലോകത്ത് കൊറോണ പടരുന്നതിനിടെ കഴിഞ്ഞയാഴ്ച ലണ്ടനിലുണ്ടായിരുന്ന
കായിക താരങ്ങള് കൊറോണ ആശങ്കയില്. ഓള് ഇംഗ്ലണ്ട് ഓപ്പണ് സമയത്ത് മത്സരരംഗത്തുണ്ടായിരുന്ന തായ്വാന് താരത്തിന് കൊറോണ സ്ഥിരീകരിച്ചതാണ് ഇന്ത്യന് സംഘത്തിനെ ആശങ്കയിലാഴ്ത്തിയിരിക്കുന്നത്.
No way … really really shocked 😨 #coronavirus https://t.co/WypxAOudLi
— Saina Nehwal (@NSaina) March 20, 2020
ടൂര്ണ്ണമെന്റിനെത്തിയ തായ് സംഘത്തിലെ 10 വയസ്സുകാരിക്കാണ് കൊറോണ പിടിപെട്ടതായി പറയപ്പെടുന്നത്. തായ്വാന് മാധ്യമമാണ് വാര്ത്ത പുറത്തുവിട്ടത്. ഇന്ത്യയുടെ പ്രമുഖ താരങ്ങളായ പി.വി.സിന്ധുവും സൈന നെഹ്വാളും ലക്ഷ്യാസെന്നും അടക്കം ടൂര്ണ്ണ മെന്റിലുണ്ടായിരുന്ന സമയത്ത് തായ്വാന് താരം അവിടെ ഉണ്ടായിരുന്നു. ഡെന്മാര്ക്കിന്റെ താരമായ ഹാന്സ് ക്രിറ്റിയന് വിറ്റിംഗസാണ് സമൂഹമാധ്യമത്തിലൂടെ വിവരം സ്ഥിരീകരിച്ചത്.
തായ്വാന് താരങ്ങള് പരിശീലനം നടത്താന് ഒരു മാസത്തോളം സ്പെയിനിലെ ബാഴ്സലോണയിലുണ്ടായിരുന്നു. അന്നവിടെ ടീമിനൊപ്പം സഹായിയായി ഉണ്ടായിരുന്ന കായിക വിദ്യാര്ത്ഥി അതേ സംഘത്തോടൊപ്പം ഇംഗ്ലണ്ടിലും എത്തിയിരുന്നു. ആ കായികതാരത്തിന് നിലവില് കൊറോണ സ്ഥിരീകരിച്ചിട്ടുണ്ട് എന്ന തരത്തിലുള്ള ട്വിറ്റര് സന്ദേശമാണ് ഡെന്മാര്ക്ക് താരം മറ്റ് കായിക താരങ്ങളുടെ അറിവിലേക്കായി പ്രചരിപ്പിച്ചത്.
ഓള് ഇംഗ്ലണ്ട് ബാഡ്മിന്റണില് പങ്കെടുത്ത താരങ്ങളെല്ലാം കടുത്ത ആശങ്കയോടെയാണ് വാര്ത്തയോട് പ്രതികരിച്ചിരിക്കുന്നത്. ‘എന്തു ചെയ്യാന്…. ശരിക്കും ഞെട്ടലുണ്ടാക്കുന്ന വാര്ത്ത ‘ യെന്നാണ് സൈന ട്വിറ്ററിലൂടെ പ്രതികരിച്ചത്. ഇതിനിടെ കളികാണാനെ ത്തിയവരിലെ മൂന്ന് പേര്ക്കും കൊറോണ സ്ഥിരീകരിച്ചതായും മറ്റൊരു ട്വിറ്റര് സന്ദേശവും പ്രചരിക്കുന്നുണ്ട്.