കൊൽക്കത്ത : കൊറോണ ബാധയിൽ ലോക കായികരംഗം നിശ്ചലമായതിൽ ഇന്ത്യൻ ക്രിക്കറ്റ് ടീമിന്റെ വിക്കറ്റ് കീപ്പർമാരിൽ ഒരാളായ വൃദ്ധിമാൻ സാഹക്കു വിഷമമില്ല. എന്നാൽ എല്ലാ കായിക താരങ്ങളും ഈ സമയം സ്വന്തം കുടുംബത്തോടൊപ്പം സുരക്ഷിതമായി ഇരിക്കണമെന്നു മാത്രമാണ് സാഹക്ക് പറയാനുള്ളത് .എല്ലാവരും ജീവിതം കായികരംഗത്തിനായി ഉഴിഞ്ഞു വച്ചവരാണ് .എന്നാൽ ഇപ്പോൾ ജാഗ്രത വേണം. സ്വസ്ഥമായി സുരക്ഷിതമായി ഇരിക്കുക.കുടുംബമാണ് ഇപ്പോൾ ഏറെ വലുത് . അതില്ലാതെ നമ്മളും കായിക രംഗവും ഇല്ല .സാഹ ഓർമിപ്പിച്ചു .
നിലവിൽ ടീം ഇന്ത്യയുടെ ടെസ്റ്റ് മത്സരങ്ങളിൽ വൃദ്ധിമാൻ സാഹയെ പോലൊരു വിശ്വസ്തൻ ഇല്ല. ഋഷഭ് പന്തിനെ എല്ലാ ഫോർമാറ്റിലും കീപ്പറാക്കണമെന്ന മോഹം പലതവണ പരാജയപ്പെട്ടതാണ് സാഹക്ക് ഗുണമായത് .രാഹുൽ ഉണ്ടെങ്കിലും മധ്യനിര ബാറ്റിംഗിലും സാഹയാണ് അനുയോജ്യൻ എന്നതിൽ ബിസിസിഐ എത്തി ചേരുകയായിരുന്നു.
ആഭ്യന്തര ക്രിക്കറ്റിൽ ബംഗാളിന്റെ ശക്തനായ താരമാണ് സാഹ. സ്ഥിരതയാർന്ന പ്രകടനമാണ് വൃദ്ധിമാന് മുന്നിൽ വഴി തുറന്നത്. ഐ.പി.എൽ മത്സരങ്ങളില് സാഹ എല്ലാ ടീമുകളും കൊതിക്കുന്ന താരമാണ് . കൊറോണ മൂലം ദക്ഷിണാഫ്രിക്ക മത്സരങ്ങൾ മുടങ്ങിയത് ടീമിനെ ബാധിക്കില്ലെന്നാണ് സാഹ കരുതുന്നത്.
