ലണ്ടൻ : കൊറോണ ലോകം മുഴുവൻ വ്യാപിച്ച പശ്ചാത്തലത്തിൽ ഒളിമ്പിക്സ് അടുത്ത വർഷത്തേക്ക് നീട്ടുമെന്ന സൂചനയുമായി മൈക്ക് പൗണ്ട് . അന്താരാഷ്ട്ര ഒളിമ്പിക്സ് അസോസിയേഷൻ അംഗമാണ് മൈക്ക് . കടുത്ത രോഗ ബാധയാൽ ബുദ്ധിമുട്ടുന്ന ബ്രിട്ടൺ പിന്മാറുന്ന വാർത്ത വന്നതിന് തൊട്ടുപുറകേയാണ് മൈക്കിന്റെ അഭിപ്രായപ്രകടനം .
കാനഡ ,ഓസ്ട്രേലിയ എന്നിവർക്ക് പിന്നാലെ ബ്രിട്ടനും പിന്മാറുന്നതോടെ ഒളിമ്പിക്സ് മാറ്റാതെ നിവൃത്തിയില്ല എന്ന സ്ഥിതിയിലേക്കാണ് പോകുന്നതെന്നും മൈക്ക് സൂചിപ്പിച്ചു.ബ്രിട്ടന്റെ പിന്മാറ്റ തീരുമാനം ബ്രിട്ടീഷ് ഒളിമ്പിക്സ് അസോസിയേഷൻ ചെയര്മാന് ഹ്യൂഗ് റോബർട്സനാണ് വിവരം നൽകിയത്.എന്തൊക്കെ മാനദണ്ഡങ്ങളാണ് മാറ്റാനായി തീരുമാനിച്ചതെന്ന് അറിയില്ല, പക്ഷെ ജുലൈ 24 നു ഒളിമ്പിക്സ് ആരംഭിക്കില്ല എന്നത് ഉറപ്പാണെന്നും ഇതിനെ തുടർന്ന് മൈക്ക് പൗണ്ട് വ്യക്തമാക്കി .
ഒരു രാജ്യത്തും പരിശീലനങ്ങൾ നടത്താനുള്ള സാമൂഹ്യ സാഹചര്യമില്ല .കായിക താരങ്ങൾക്കു യാത്ര ബുദ്ധിമുട്ടുണ്ട്.പലരുടെയും വിദഗ്ദ്ധ പരിശീലനം മറ്റു വിദേശ രാജ്യങ്ങളിലാണ് . ഇത്തരം കാര്യങ്ങളെല്ലാം മുടങ്ങിയിരിക്കുകയാണ് .ഒളിമ്പിക്സിന് മുന്നോടിയായി ഓരോ ടീമുകൾക്കും ഒത്തുകൂടി പരിശീലിക്കാൻ ഇനിയുള്ള സമയം മതിയാകില്ല .പലതുകൊണ്ടും ഒളിമ്പിക്സ് മുടങ്ങാനാണ് സാധ്യതയെന്ന് മൈക്ക് വ്യക്തമാക്കി .ഇന്നലെ ഇന്ത്യൻ ഒളിമ്പിക്സ് അസോസിയേഷൻ മേധാവി നരേന്ദ്ര ബത്രയും ഒളിമ്പിക്സ് മാറ്റണമെന്ന് ആവശ്യപ്പെട്ടിരുന്നു .
