ചെന്നൈ: കൊറോണ പ്രതിരോധത്തിനായി രാജ്യത്ത് ലോക്ക് ഡൗണ് പ്രഖ്യാപിച്ചിരിക്കുകയാണ്. വൈറസ് വ്യാപനം തടയുന്നതിനായി രാജ്യത്ത് കര്ശന നിയന്ത്രണങ്ങള് ഏര്പ്പെടുത്തിയിട്ടുണ്ടെങ്കിലും പലരും വാഹനങ്ങളുമായി പുറത്ത് കറങ്ങി നടക്കുന്ന കാഴ്ച്ചയാണ് കാണുന്നത്. പുറത്തിറങ്ങുന്നവര്ക്ക് ബോധവത്കരണം നല്കി വീട്ടിലേക്ക് മടക്കി അയക്കുകയാണ് പൊലീസുകാര്.
അത്തരത്തിലൊരു വീഡിയോയാണ് ഇപ്പോള് സാമൂഹ്യ മാദ്ധ്യമങ്ങളില് വൈറലാകുന്നത്. സര്ക്കാര് നിര്ദ്ദേശങ്ങള് ലംഘിച്ച് പുറത്തിറങ്ങിയ ആളുകളോട് മടങ്ങി പോകാന് കൈകൂപ്പി ആവശ്യപ്പെടുന്ന പൊലീസുകാരനെയാണ് വീഡിയോയില് കാണുന്നത്. തമിഴ്നാട്ടിലാണ് സംഭവം.
ബൈക്കിലെത്തിയ യാത്രക്കാരോട് സമാധാനപരമായി മടങ്ങി പോകാന് പൊലീസുകാരന് ആവശ്യപ്പെടുന്നു. ജനങ്ങള് ഇത് കൂട്ടാക്കാത്തതോടെ പൊലീസുകാരന് നിയന്ത്രണം വിട്ട് പൊട്ടിക്കരഞ്ഞു. ദയവായി വീട്ടിലിരിക്കൂ, പുറത്ത് പോകരുത്, നമ്മുടെ നാട് നാശത്തിലേക്ക് പോകാതിരിക്കാനായി നിങ്ങളുടെ കാലു തൊട്ട് ആവശ്യപ്പെടുകയാണെന്ന് പൊലീസുകാരന് പറയുന്നു. എന്നാല് പൊലീസുകാരന്റെ നിര്ദ്ദേശം അനുസരിക്കാതെ നിരവധി പേര് കടന്നു പോകുന്നുണ്ട്. വീഡിയോ പങ്കുവെച്ച് നിമിഷങ്ങള്ക്കുള്ളില് നിരവധി പേര് ഇത് കണ്ടു കഴിഞ്ഞു. നിരവധി പേര് പൊലീസുകാരന് പിന്തുണയുമായി രംഗത്തെത്തുകയും ചെയ്തു.
காலில் விழுந்து கேட்கிறேன். வெளியில் வராதீங்க என கை எடுத்து கும்பிடும்
காலில் விழுந்து கேட்கிறேன்… வெளியில் வராதீங்க என கண்ணீருடன் கை எடுத்து கும்பிடும் போலீசார்..!
Posted by Polimer news on Tuesday, March 24, 2020
