ലണ്ടന്‍: ലോക ഫുട്‌ബോള്‍ ഈ സീസണില്‍ നിശ്ചലമായിരിക്കുന്നു എന്ന് വ്യക്തമാക്കി യുവേഫ രംഗത്ത്. ചാമ്പ്യന്‍സ് ലീഗടക്കം സുപ്രധാന ലീഗ് കപ്പുകളും ടൂര്‍ണ്ണമെന്റുകളും ഇനി ഒരു അറിയിപ്പുണ്ടാകുന്നത് വരെ നിര്‍ത്തിവക്കുകയാണെന്ന് യുവേഫ പ്രത്യേക വാര്‍ത്താ കുറിപ്പിലൂടെ അറിയിച്ചു.
എല്ലാ ദേശീയ ടീമുകളും തമ്മില്‍ ജൂണില്‍ കളിക്കേണ്ടിയിരുന്ന ലോകകപ്പ് യോഗ്യതാ മത്സരങ്ങളും 2020 യൂറോകപ്പടക്കം 2021ലേക്ക് മാറ്റിയതായും യുവേഫ അറിയിച്ചു. ചാമ്പ്യന്‍സ് ലീഗും യൂറോപ്പാ ലീഗും വനിതകളുടെ ചാമ്പ്യന്‍സ് ലീഗും നിലവില്‍ മെയ്മാസം നടത്താ നിരുന്നവയാണ്.
ഇതിനൊപ്പം യൂറോപ്പിലെ വിവിധ ലീഗുകളെല്ലാം കൊറോണ നിയന്ത്രണങ്ങള്‍ ജൂണിനുള്ളില്‍ നീക്കിയാല്‍ മാത്രം പൂര്‍ത്തിയാക്കാന്‍ ശ്രമിക്കുമെന്നും യുവേഫ അറിയിച്ചു. കഴിഞ്ഞ ദിവസം 55 അസോസിയേഷനുകളുമായി വീഡിയോ കോണ്‍ഫറന്‍സിലൂടെ സ്ഥിതിഗതികള്‍ യുവേഫ വിലയിരുത്തി. ഒരു നിവൃത്തിയുമില്ലെങ്കില്‍ മിനി ടൂര്‍ണ്ണമെന്റായി യൂറോപ്പ്യന്‍ ക്ലബ്ബ് മത്സരങ്ങള്‍ ക്രമീകരിക്കാനും യുവേഫ ആലോചിക്കുന്നുണ്ട്.
