ലണ്ടന്‍: കൊറോണയുടെ അപ്രതീക്ഷിത വ്യാപനം മൂലം വിംബിള്‍ഡണ്‍ സീസണ്‍ മുടങ്ങിയത് സംഘാടകര്‍ക്ക് നഷ്ടമല്ലെന്ന് വിലയിരുത്തല്‍. എല്ലാ വര്‍ഷവും പകര്‍ച്ചവ്യാധി ഇന്‍ഷൂറന്‍ സിലേക്ക് കോടിക്കണക്കിന് രൂപ നല്‍കുന്നതിനാലാണ് സീസണ്‍ മുടങ്ങിയതിന് നഷ്ടപരിഹാമായി 1000 കോടി രൂപയ തുല്യമായ തുക ലഭിക്കുന്നത്.
കഴിഞ്ഞ 17 വര്‍ഷമായി ശരാശരി 15 കോടി ശരാശരി ഇന്ത്യന്‍ രൂപയ്‌ക്ക് തുല്യമായ തുകയാണ് വിംബിള്‍ഡണ്‍ സംഘാടകര്‍ കാണികളെ അടക്കം ഇന്‍ഷ്യൂര്‍ ചെയ്ത് അടച്ചുകൊണ്ടിരുന്നത്. ഇതനുസരിച്ച് 1000 കോടി രൂപയക്ക് തുല്യമായ തുകക്കുള്ള നഷ്ടപരിഹാരത്തിന് അവകാ ശമുണ്ട്. എന്നാല്‍ ആ മുന്‍കരുതല്‍ ഇത്തവണ വലിയ സഹായമായിരിക്കുകയാണ്. നിലവില്‍ കളി നടക്കാതിരുന്നതുമൂലമുള്ള സാമ്പത്തിക നഷ്ടം ഒരു പരിധിവരെ പരിഹരിക്കാനാകുമെന്നാണ് കരുതുന്നത്.
വരുന്ന ജൂണ്‍ 29നാണ് ലണ്ടനിലെ വിംബിള്‍ഡണ്‍ ടെന്നീസ് മത്സരങ്ങള്‍ നടക്കേണ്ടിയിരുന്നത്. കൊറോണ വ്യാപനത്തോടെ ടൂര്‍ണ്ണമെന്റ് ഉപേക്ഷിച്ചതായി സംഘാടകര്‍ അറിയിച്ചിരുന്നു. മുമ്പ് ടെന്നീസ് ചരിത്രത്തില്‍ ഒന്നും രണ്ടും ലോകമഹായുദ്ധ സമയത്താണ് വിംബിള്‍ഡണ്‍ മുടങ്ങിയത്. 1915-18 വര്‍ഷങ്ങളിലും 1940-45 ലുമാണ് യുദ്ധം തടസ്സമായത്. 2020 സീസണിലെ മാറ്റിവയ്‌ക്കപ്പെട്ട ആദ്യ ഗ്രാന്‍സ്ലാം പാരീസില്‍ നടക്കേണ്ടിയിരുന്ന ഫ്രഞ്ച് ഓപ്പണായിരുന്നു.
