മാഡ്രിഡ്: കൊറോണ വൈറസ് വ്യാപനത്തിന്റെ പശ്ചാത്തലത്തിൽ പ്രതിസന്ധിയിലായ ഫുട്ബോൾ ലോകത്തിന് പ്രതീക്ഷ നൽകുന്ന വാർത്തകളാണ് സ്പെയിനിൽ നിന്ന് വരുന്നത്. ലാ ലീഗ പുനരാരംഭിക്കാൻ സാധ്യതയുള്ള തീയതികൾ പ്രഖ്യാപിച്ചതായാണ് റിപ്പോർട്ട്. ലാ ലീഗ പ്രസിഡന്റ് ഹാവിയർ തെബാസാണ് തീയതികളിൽ പുറത്തുവിട്ടിരിക്കുന്നത്.
മൂന്ന് തീയതികളാണ് അദ്ദേഹം പ്രഖ്യാപിച്ചിരിക്കുന്നത്. ഈ മൂന്ന് തീയതികളിൽ ഏതെങ്കിലും ഒന്നിൽ ലാ ലീഗ മത്സരങ്ങൾ പുനരാരംഭിക്കും എന്ന് അദ്ദേഹം പറഞ്ഞു.മെയ് 29, ജൂൺ 6-7, ജൂൺ 28 എന്നീ തീയതികളിൽ ഏതെങ്കിലും ഒന്നിലാകും ലാ ലീഗ പുനരാരംഭിക്കുക എന്നാണ് തെബാസ് അറിയിച്ചിരിക്കുന്നത്.
എന്നാൽ, സ്പെയിനിലെ മാത്രമല്ല, മറിച്ച് യൂറോപ്പിലെ മുഴുവൻ സ്ഥിതിഗതികൾ വിലയിരുത്തിയ ശേഷമേ ലീഗ് പുനരാരംഭിക്കാൻ കഴിയൂ എന്നും അദ്ദേഹം വ്യക്തമാക്കി. ഇതിനു പുറമെ, ഏപ്രിൽ 26 വരെ ലാ ലീഗയിലെ ഒരു ടീമുകളെയും പരിശീലനം പുനരാരംഭിക്കാൻ അനുവദിക്കില്ല എന്നും അദ്ദേഹം അറിയിച്ചിട്ടുണ്ട്.
