ടൂറിന്: ഇറ്റാലിയന് ലീഗിലെ ക്ലബ്ബായ യുവന്റ്സിന്റെ താരങ്ങളിലെ രണ്ടുപേര് രോഗവിമുക്തരായി. ഡാനിയല് രുഗാനിയും ബ്ലേയ്സ് മാറ്റിയൂഡിയുമാണ് രോഗം സുഖമായി ആശുപത്രി വിട്ടത്. ‘ രുഗാനിയും മാറ്റിയൂഡിയും കൊറോണ പ്രോട്ടോക്കോളനുസരിച്ചുള്ള പരിശോധന രണ്ടുതവണ പൂര്ത്തിയാക്കി. നിലവില് എല്ലാ ഫലങ്ങളും കളിക്കാര്ക്ക് രോഗബാധയില്ലെന്ന് സ്ഥിരീകരിച്ചിരിക്കുന്നു. താരങ്ങളിനി വീടുകളില് നിരീക്ഷണത്തില് കഴിയേണ്ട കാര്യവുമില്ല എന്ന് ആശുപത്രി അധികൃതര് അറിയിച്ചു’ ക്ലബ്ബിന്റെ ഓദ്യോഗിക കുറിപ്പിലൂടെ വ്യക്തമാക്കി.
ഒരു മാസം മുമ്പാണ് യുവന്റ്സിന്റെ ഇരുതാരങ്ങളും കൊറോണ ബാധിതരാണെന്ന് സ്ഥിരീകരിക്കപ്പെട്ടത്. സ്വയം നിരീക്ഷണത്തിലും തുടര്ന്ന് ആശുപത്രിയിലുമായിട്ടാണ് ഇരുതാരങ്ങളും ചികിത്സ പൂര്ത്തിയാക്കിയത്. ക്രിസ്റ്റ്യാനോ റൊണാള്ഡോയും ഉള്പ്പെട്ട ക്ലബ്ബാണ് യുവന്റസ്. താരങ്ങളുടെ വളരെ ശക്തമായ മാനസികാവസ്ഥയാണ് കൊറോണ രോഗം ഭേദമാകാന് സഹായിച്ച ഒരു ഘടകമെന്നും ക്ലബ്ബ് അധികൃതര് വ്യക്തമാക്കി.
