ക്വാലാലംപൂര്: മെയ് 31 നകം ഇന്ത്യയുള്പ്പെടെയുള്ള രാജ്യങ്ങളിലെ കൊറോണ വ്യാപനം നിലയ്ക്കുമെന്ന് ഗവേഷകര്. സിങ്കപ്പൂര് യൂണിവേഴ്സിറ്റി ഓഫ് ടെക്നോളജി ആന്ഡ് ഡിസൈനിലെ ഗവേഷകര് പ്രസിദ്ധീകരിച്ച പഠന റിപ്പോര്ട്ടാണ് പുറത്തുവിട്ടിരിക്കുന്നത്. വിവിധ രാജ്യങ്ങളില് നിന്നുള്ള രോഗബാധ സംശയിക്കുന്നവര്, രോഗം ബാധിച്ചവര്,
രോഗ വിമുക്തരായവര് തുടങ്ങിയ വിവരങ്ങള്ക്കൊപ്പം കൊറോണ വൈറസിന്റെ ജീവിത ചക്രത്തിന്റെ വിവരങ്ങളും ശേഖരിച്ച് ആര്ട്ടിഫിഷ്യല് ഇന്റലിജന്സിന്റെ സഹായത്തോടെ അപഗ്രഥിച്ചാണ് ഗവേഷകര് ഇത്തരമൊരു നിഗമനത്തില് എത്തിയത്.
മെയ് 21 ആകുമ്പോഴേക്കും ഇന്ത്യയിലെ കൊറോണ വ്യാപനം 97 ശതമാനവും കുറയുമെന്നാണ് പഠന റിപ്പോര്ട്ടില് പറയുന്നത്. മെയ് 29 ആകുമ്പോഴേക്കും ലോകത്താകമാനമുള്ള കൊറോണ വ്യാപനത്തിന്റെ നിരക്ക് 97 ശതമാനം കുറയും. ഡിസംബര് എട്ട് ആകുമ്പോഴേക്കും രോഗം പൂര്ണമായി അപ്രത്യക്ഷമാകുമെന്നും പഠന റിപ്പോര്ട്ടില് വ്യക്തമാക്കുന്നു. മെയ് 16 വരെ ലോക്ക് ഡൗണ് നീട്ടിയാല് ഇന്ത്യയില് കൊറോണ രോഗികള് പുതുതായി ഉണ്ടാകില്ലെന്നും ഇവര് നേരത്തെ പ്രവചിച്ചിരുന്നു.
അതേസമയം ഇന്ത്യയിലെ കൊറോണ രോഗികളുടെ എണ്ണം 26,000 കടന്നു. 26,496 പേര്ക്കാണ് രാജ്യത്ത് ഇതുവരെ രോഗബാധ സ്ഥിരീകരിച്ചത്.
