കൊല്ക്കത്ത: കൊറോണ നിയന്ത്രണങ്ങള്ക്കായുള്ള കേന്ദ്രസര്ക്കാറിന്റെ നിര്ദ്ദേശങ്ങളെ തുടര്ച്ചയായി ലംഘിക്കുന്ന നിലപാട് തുടര്ന്ന് മമതാ ബാനര്ജി. രാജ്യത്തെ എല്ലാ സംസ്ഥാന ങ്ങളിലേയും അപകട സോണുകള് തിരിച്ച് കേന്ദ്രം നല്കിയ റിപ്പോര്ട്ടാണ് മമത എതിര്ത്തി രിക്കുന്നത്. ഇതിനൊപ്പം ആരോഗ്യവിഭാഗത്തിന്റെ കൃത്യമായ വിവരശേഖരണം നടത്താതെ സോണുകള് സ്വയം നിശ്ചയിച്ച് പുതുക്കിയ ലിസ്റ്റ് കേന്ദ്രത്തിലേക്ക് അയച്ചതായാണ് വിവരം.
കേന്ദ്രം കഴിഞ്ഞ ദിവസം റെഡ് സോണാക്കി നിശ്ചയിച്ച സ്ഥലങ്ങളുടെ പട്ടിക മുഴുവന് മമത സ്വയം തിരുത്തി. സംസ്ഥാനത്തെകുറിച്ച് കേന്ദ്ര ക്യാബിനറ്റ് സെക്രട്ടറി ഏപ്രില് 30ന് പുറപ്പെടുവിച്ച വിവരം പശ്ചിമബംഗാളിനെ സംബന്ധിച്ച് ഭീതിപരത്തിയെന്ന വാദമാണ് സംസ്ഥാന സെക്രട്ടറി അറിയിച്ചത്. സംസ്ഥാനത്തെ പത്തി ജില്ലകള് റെഡ് സോണാക്കിയത് തങ്ങളെ ഞെട്ടിച്ചിരിക്കുകയാണ്. കേന്ദ്ര സര്ക്കാറിന്റെ മാനദണ്ഡം വച്ച് തന്നെ തങ്ങളുടെ പരിശോധനയില് ആകെ നാലു ജില്ലകളിലാണ് കൊറോണ ബാധിതരുള്ളതെന്നും സെക്രട്ടറി വ്യക്തമാക്കി. ഇതുപ്രകാരം കൊല്ക്കത്ത മഹാനഗരം, ഹൗറ, നോര്ത്ത്-24 പര്ഗാന, ഉത്തര മേദിനിപൂര് എന്നിവയാണ് മമത വെട്ടിത്തിരുത്തി നല്കിയിരിക്കുന്നത്. പുതുക്കിയ ലിസ്റ്റില് നാല് റെഡ് സോണ് ജില്ലകള്, 11 ഓറഞ്ച് സോണ്, 8 ഗ്രീന് സോണ് എന്നിവയാണെന്നും സെക്രട്ടറി അയച്ച കത്തില് ചൂണ്ടിക്കാണിച്ചിരിക്കുന്നു.
കൊറോണ പരിശോധന നടത്തുന്ന കാര്യത്തില് തുടക്കം മുതലേ എതിര്പ്പ് പ്രകടിപ്പിച്ച മമത കേന്ദ്രനിര്ദ്ദേശങ്ങളൊന്നും ശക്തമായി സംസ്ഥാനത്തൊരിടത്തും നടപ്പാക്കാന് തയ്യാറായിട്ടില്ല. ന്യൂനപക്ഷ മേഖലകളിലെല്ലാം നല്കിയ വ്യാപകമായ ഇളവ് റംസാന് കാലമായതോടെ നിയന്ത്രണാതീതമായ തിരക്കായി മാറിക്കഴിഞ്ഞു. നിസ്സാരകാര്യങ്ങള്ക്ക് വരെ കേന്ദ്ര പദ്ധതികളെ എതിര്ക്കുക എന്ന പതിവുശൈലി കൊറോണ പ്രതിരോധത്തിലും മമത അതേപടി തുടരുകയാണ്.