കൊല്ക്കത്ത: കൊറോണ പ്രതിരോധ പ്രവര്ത്തനത്തിലെ അലംഭാവം തുടര്ന്ന് മമതാ സര്ക്കാര്. ഇന്നുമുതല് പ്രധാനപ്പെട്ട നഗരങ്ങളിലടക്കം മദ്യവില്പ്പനശാലകള് തുറന്നു പ്രവര്ത്തിക്കാനാണ് അനുമതി നല്കിയത്. സംസ്ഥാന സര്ക്കാറിന്റെ പ്രത്യേക നിര്ദ്ദേശ ത്തെ തുടര്ന്നാണ് മദ്യവില്പ്പന ശാലകള് തുറക്കുക. കേന്ദ്ര നിര്ദ്ദേശപ്രകാരം തിരക്കു നിയന്ത്രിക്കാന് ബുദ്ധിമുട്ടുള്ള മേഖലകളായി മദ്യ വിതരണ കേന്ദ്രങ്ങളെ സൂചിപ്പിച്ചതും മമത സര്ക്കാര് പരിഗണിച്ചിട്ടില്ല.
കഴിഞ്ഞയാഴ്ച കേന്ദ്ര പ്രതിനിധി സംഘം നേരിട്ടെത്തി സംസ്ഥാനത്തെ കൊറോണ ബാധിത രുടേയും പ്രദേശത്തിന്റേയും പട്ടിക തയ്യാറാക്കിയത് മമത നേരിട്ട് വെട്ടിച്ചുരുക്കിയിരുന്നു. മദ്യലോബികളുടെ ശക്തമായ പിന്തുണയോടെ പ്രവര്ത്തിക്കുന്ന തൃണമൂല് കോണ്ഗ്രസ്സ് നേതാവ് നിലവിലെ റെഡ് സോണ് പട്ടിക വെട്ടിചുരുക്കിയാണ് മദ്യവിതരണത്തിന് പച്ചക്കൊടി കാണിച്ചിരിക്കുന്നതെന്ന് മാദ്ധ്യമങ്ങള് റിപ്പോര്ട്ട് ചെയ്യുന്നു. കൊല്ക്കത്ത നഗരത്തില് മാത്രം 40 പ്രധാന മദ്യവില്പ്പന ശാലകള് തുറന്നുകഴിഞ്ഞു. ഗ്രാമപ്രദേശങ്ങളില് ഇതിലേറെ മദ്യവില്പ്പന ശാലകള് തുറന്നു പ്രവര്ത്തിച്ചു തുടങ്ങിയെന്നാണ് വിവരം. ഒപ്പം സംസ്ഥാനത്തുള്ള 22 ബെവ്റേജ് സംഭരണശാലകളും പ്രവര്ത്തിക്കാന് മമത അനുവാദം നല്കിക്കഴിഞ്ഞതായാണ് വിവരം.
