ജെറുസലേം: കൊറോണ പ്രതിരോധത്തിനായുള്ള പരിശ്രമത്തില് ഇസ്രായേലും നെതര്ലാന്റ്സും ഏറെ മുന്നേറിയതായി റിപ്പോര്ട്ട്. കൊറോണക്കെതിരായ വാക്സിന് നിര്മ്മാണത്തില് ഇരു രാജ്യങ്ങളും വിജയം കണ്ടതായാണ് അന്താരാഷ്ട്ര മാദ്ധ്യമങ്ങള് റിപ്പോര്ട്ട് ചെയ്യുന്നത്.
ഇസ്രായേല് മരുന്നു ഗവേഷണ സ്ഥാപനങ്ങളുടെ സംയുക്തസംഘം മോണോക്ലാണല് ന്യൂട്രലൈസിംഗ് ആന്റിബോഡി വികസിപ്പിച്ചു കഴിഞ്ഞതായാണ് അറിയിച്ചിരിക്കുന്നത്. ഇസ്രായേല് ഇന്സ്റ്റിറ്റ്യൂട്ട് ഓഫ് ബയോളജിക്കല് റിസര്ച്ചാണ് ഗവേഷണം നടത്തിയത്. പുതുതായി നിര്മ്മിച്ചിരിക്കുന്ന വാക്സിന് ശരീരത്തിനകത്തെ കൊറോണ വൈറസിനെ നിര്വ്വീര്യമാക്കുമെന്നാണ് കണ്ടെത്തിയത്. ഇസ്രായേല് പേറ്റന്റ് എടുത്ത കഴിഞ്ഞ വാക്സിന് നിര്മ്മിക്കാന് ആഗോളതലത്തില് മികച്ച ഒരു കമ്പനി തയ്യാറായതായും ഇസ്രായേല് ആരോഗ്യവിഭാഗം അറിയിച്ചു.
നെതര്ലാന്റ്സിലെ ഉട്റെച്ച് സര്വ്വകലാശാലയാണ് വാക്സിന് നിര്മ്മിച്ചിരിക്കുന്നത്. തങ്ങള് നിര്മ്മിച്ചിരിക്കുന്ന വാക്സിന് കൊറോണയെ മാത്രമല്ല സാര്സ് പോലുള്ള രോഗത്തിനും ഒരുപോലെ ഫലപ്രദമായിരിക്കുമെന്നും നെതര്ലാന്റ്സ് ആരോഗ്യവകുപ്പറിയിച്ചു.