കൊല്ക്കത്ത: കൊറോണ ദുരിതത്തിനിടെ പശ്ചിമബംഗാളില് ഹിന്ദു ന്യൂനപക്ഷ മേഖലകളില് കൊള്ളയും കലാപവും നടക്കുന്നതായി റിപ്പോര്ട്ട്. പ്രശസ്ത പത്രപ്രവര്ത്തകനും രാജ്യസഭാ എം.പിയുമായ സ്വപന്ദാസ് ഗുപ്തയടക്കമുള്ളവര് ട്വിറ്ററിലൂടെ കലാപ ദൃശ്യങ്ങളുടെ വീഡിയോ പുറത്തുവിട്ടിരിക്കുകയാണ്. തെലിനിപ്പാറ എന്ന പ്രദേശം മുഴുവന് അഗ്നിക്കിര യാക്കിയതായാണ് വിവരം. ഹിന്ദു ഉന്മൂലനമാണ് നടക്കുന്നത്. പോലീസിന്റെ അനാസ്ഥയും പ്രാദേശിക ഗുണ്ടകളെ അക്രമത്തിന് സഹായിക്കുന്നുവെന്നും സ്വപന്ദാസ് ഗുപ്ത ട്വിറ്ററിലൂടെ ആരോപിക്കുന്നു.
Just one video of what is gong on in Telinipara at this moment. Accusations against police for wilfully allowing local gangs to carry out violence and looting. The @MamataOfficial administration is predictably silent pic.twitter.com/sVyeiP9ePk
— Swapan Dasgupta (@swapan55) May 12, 2020
മമതാ സര്ക്കാറിന്റെ കെടുകാര്യസ്ഥതയേപ്പറ്റിയും ഗുപ്ത ട്വിറ്ററില് ആക്ഷേപം ഉന്നയിച്ചിട്ടുണ്ട്. വിവരങ്ങളും ദൃശ്യങ്ങളും അയച്ചുകൊടുത്തിട്ടും പ്രദേശത്തെ പോലീസ് കമ്മീഷണര് ഹൂമയൂണ് കബീര് നടപടി എടുത്തില്ലെന്ന് ബി.ജെ.പി എം.പി ലോക്കറ്റ് ചാറ്റര്ജിയും പരാതിപ്പെട്ടിരിക്കുകയാണ്. ലോക്ഡൗണ് പ്രഖ്യാപനത്തെ യാതൊരു വിധത്തിലും അനുസരിക്കാത്ത ന്യൂനപക്ഷമേഖലകളില് മമതാ സര്ക്കാര് എല്ലാ വഴിവിട്ട സഹായങ്ങളും നടത്തുന്നതായി രണ്ടുമാസമായി വാര്ത്തകള് പുറത്തുവന്നിരുന്നു. പൊതുശൗചാലയങ്ങള് ഉള്പ്പെടെ യാതൊരു സുരക്ഷാ മുന്കരുതലുമില്ലാതെ ഉപയോഗിക്കുന്നതിനെചൊല്ലി പല മേഖലകളിലും പ്രശ്നങ്ങള് നടന്നിരുന്നു. നിലവിലെ കലാപം ആസൂത്രിതമാണെന്നും പോലീസിന് മുന്കൂട്ടി അറിവുണ്ടായിട്ടും പ്രദേശത്തേക്ക് വൈകിയാണെത്തിയതെന്നും ബി.ജെ.പി ആരോപിച്ചു.