കൊളംബോ: സൗരവ് ഗാംഗുലിയുടെ പോരാട്ടവീര്യത്തെ പ്രശംസിച്ച് മുന് ശ്രീലങ്കന് താരം. ഗാംഗുലി ശരിക്കും ഒരു പോരാളിയായിരുന്നുവെന്നാണ് ശ്രീലങ്കയുടെ റസ്സല് അര്നോള്ഡിന്റെ അനുഭവം. അതേ സമയം പ്രകോപിപ്പിക്കാന് എളുപ്പമാണെന്നും റസ്സല് പറഞ്ഞു.
2002 ചാമ്പ്യന്സ് ട്രോഫി മത്സരത്തിനിടെ കൊമ്പുകോര്ത്ത അനുഭവമാണ് റസ്സല് പങ്കുവച്ചത്. മഴ കളിമുടക്കിയ കലാശപോരാട്ടം റിസര്വ് ദിവസവും നടക്കാതിരുന്നതോടെ കിരീടം ഇന്ത്യയും ശ്രീലങ്കയും പങ്കുവയ്ക്കുകയായിരുന്നു. രണ്ടു തവണയും 200 മേല് റണ്സുമായി ശ്രീലങ്ക ബാറ്റിംഗ് തുടരവേയാണ് മഴ വില്ലനായി വന്നതെന്നും റസ്സല് ഓര്ക്കുന്നു.
ഇന്ത്യന് സ്പിന്നര് അശ്വിനുമായി ഇന്സ്റ്റാഗ്രാമിലെ സംഭാഷണത്തിനിടയിലാണ് സൗരവ് ഗാംഗുലിയെ പരാമര്ശിച്ചത്.താന് ബാറ്റ് ചെയ്തുകൊണ്ടിരിക്കേ ഗാംഗുലി തന്നെ പരമാവധി പ്രകോപിപ്പിക്കാന് നോക്കിയ കാര്യം റസ്സല് പങ്കുവച്ചു. എന്നാല് കളിക്കിടെ മാത്രമാണ് ഗാംഗുലിയുടെ ദേഷ്യമെന്നും മികച്ച നായകനാണെന്നും റസ്സല് ചൂണ്ടിക്കാട്ടി.
