മുംബൈ: ക്രിക്കറ്റ് ഇതിഹാസം സച്ചിന് ടെണ്ടുല്ക്കറെ ചലഞ്ച് ചെയ്ത തനിക്ക് തെറ്റുപറ്റിയെന്ന് തുറന്നു സമ്മതിച്ച് മുന് ഓള് റൗണ്ടര് യുവരാജ് സിംഗ്. ബാറ്റിന്റെ അരിക് കൊണ്ട് നിലത്ത് വീഴാതെ പന്ത് തട്ടിയ വീഡിയോ പങ്കുവെച്ച യുവി, സച്ചിന്, രോഹിത് ശര്മ, ഹര്ഭജന് സിംഗ് എന്നിവരോട് ഈ ചലഞ്ച് ഏറ്റെടുക്കാന് ആവശ്യപ്പെട്ടിരുന്നു.
എന്നാല് തനിക്ക് കിട്ടിയ ചലഞ്ച് ഇരട്ടിയായാണ് മാസ്റ്റര് ബ്ലാസ്റ്റര് തിരിച്ചു കൊടുത്തത്. യുവി കണ്ണ് തുറന്നു വച്ചായിരുന്നു ‘അഭ്യാസ പ്രകടനം’ നടത്തിയതെങ്കില് സച്ചിന് കണ്ണ് മൂടിക്കെട്ടിയാണ് അനായാസം വെല്ലുവിളി ഏറ്റെടുത്തത്. ചലഞ്ച് തിരിച്ചു യുവരാജിനു തന്നെ കൊടുക്കാനും സച്ചിന് മറന്നില്ല. വീഡിയോ ഇന്സ്റ്റഗ്രാം വഴി സച്ചിന് പുറത്തുവിടുകയും ചെയ്തു. എന്നാല് ഏവരേയും ഞെട്ടിച്ച സച്ചിന് യുവിക്കായി ഒരു ട്വിസ്റ്റും കാത്തുവെച്ചിരുന്നു. ട്രാന്സ്പേരന്റായ തുണിയാണ് താന് ഉപയോഗിച്ചതെന്ന് സച്ചിന് വീഡിയോയുടെ അവസാനം വെളിപ്പെടുത്തുന്നുണ്ട്. സെക്കന്റുകള്ക്കുള്ളില് തന്നെ ഈ വീഡിയോ വൈറലായി.
‘യുവി ഞാന് നിന്നെ തിരിച്ച് ചലഞ്ച് ചെയ്യുകയാണ്. എന്നാല് ഇത്തവണ ചെറിയൊരു ട്വിസ്റ്റ്. എല്ലാവരും സുരക്ഷിതരായിരിക്കൂ’. വീഡിയോക്കൊപ്പം സച്ചിന് കുറിച്ചു. അതേസമയം, സച്ചിന്റെ പുതിയ ചലഞ്ചിനോട് തെറ്റായ ഇതിഹാസത്തെയാണ് വെല്ലുവിളിച്ചതെന്നു തനിക്ക് അറിയാമായിരുന്നു എന്നും ഇതു ചെയ്യാന് ഒരാഴ്ച വേണ്ടിവരുമെന്നും, ശ്രമിക്കാമെന്നായിരുന്നു യുവിയുടെ മറുപടി. സച്ചിന്, രോഹിത് ശര്മ, ഹര്ഭജന് സിംഗ് എന്നിവരെയാണ് യുവരാജ് ചാലഞ്ച് ചെയതത്.
