ശ്രീനഗര്: ഹിമാലയസംസ്ഥാനത്തെ ഏറ്റവും പ്രശസ്തമായ മനാലി-ലേ ദേശീയ പാത ഇന്ന് വീണ്ടും തുറന്നു. നീണ്ട അഞ്ചുമാസങ്ങളുടെ ഇടവേളക്ക് ശേഷമാണ് ഗതാഗതയോഗ്യമാക്കിയ റോഡ് ഗതാഗതത്തിനായി തുറന്നത്. കൊറോണ പ്രതിരോധപ്രവര്ത്തനങ്ങള്ക്കിടയിലും കനത്ത മഞ്ഞുവീഴ്ച മൂലം അടഞ്ഞ റോഡിനെ ഗതാഗതയോഗ്യമാക്കാനുള്ള പണികള് അതിവേഗം സൈന്യത്തിന്റെ നേതൃത്വത്തില് നടക്കുകയായിരുന്നുവെന്ന് ദേശീയപാത അതോറിറ്റി അറിയിച്ചു. ലഡാക്കിലേക്ക് സൈന്യത്തിന്റെ നീക്കത്തിന് ഏറെ തന്ത്രപ്രധാനമായ റോഡാണ് മനാലി-ലേ ദേശീയ പാത.
നിലവില് പൊതു ഗതാഗതത്തിനായും തുറന്നു കഴിഞ്ഞു.സാധാരണ തുറക്കാറുള്ള തിനേക്കാള് മുന്നേയാണ് ഇത്തവണ തുറന്നിരിക്കുന്നതെന്ന് ബോര്ഡര് റോഡ്സ് ഓര്ഗനൈസേഷന് അധികൃതര് പറഞ്ഞു.
ദേശീയപാതയില് പലയിടത്തും മഞ്ഞ് 30 മുതല് 35 അടിവരെ കനത്തിലാണ് കിടക്കാറ്. വളരെ ദുര്ഘടം പിടിച്ച മലയിടുക്കുകളിലും മഞ്ഞുമൂടുന്നത് എന്നും വലിയ ഭീഷണിയാണെന്നും സൈനികര് വ്യക്തമാക്കി. 475 കിലോമീറ്റര് ദൂരമാണ് തയ്യാറാക്കിയത്. ദീപക് എന്ന പേരിലാണ് ഇത്തവണ പദ്ധതി നടപ്പാക്കിയത്. ഇതുപ്രകാരം സര്ച്ചൂ-മനാലി പാതയിലെ 222കി.മീറ്ററും ഹിമാങ്ക് എന്ന് പേരിട്ട പദ്ധതി വഴി 253 കിലോമീറ്റര് ദൂരം ലേ-സര്ച്ചൂ ദേശീയപാതയുടെ പണികളും പൂര്ത്തികരിച്ചതായി ബി.ആര്.ഒ അറിയിച്ചു.