ലണ്ടന്‍: കൊറോണ പ്രതിരോധത്തിന്റെ ഭാഗമായി മലേറിയയുടെ മരുന്നായ ഹൈഡ്രോക്‌സിക്ലോറോക്വിന്‍ ബ്രിട്ടണിലെ ആരോഗ്യരക്ഷാ പ്രവര്‍ത്തകര്‍ക്ക് നല്‍കിത്തുടങ്ങി. രണ്ടു തരം മരുന്നുകളാണ് രോഗികള്‍ക്ക് നല്‍കുന്നതെന്ന് ബ്രിട്ടീഷ് ആരോഗ്യവകുപ്പറിയിച്ചു. ക്ലോറോക്വിന്‍ എന്ന മരുന്നും ഹൈഡ്രോക്‌സിക്ലോറോക്വിനുമാണ് ആരോഗ്യപ്രവര്‍ത്തകര്‍ക്ക് നല്‍കുന്നത്. രോഗികളുമായി നിരന്തരം സമ്പര്‍ക്കത്തിലുള്ള 40,000 ആരോഗ്യപ്രവര്‍ത്തകര്‍ക്കാണ് മരുന്നുനല്‍കിയത്.
ബ്രിട്ടണില്‍ നിലവില്‍ പ്രവര്‍ത്തിച്ചുകൊണ്ടിരിക്കുന്ന ഏഷ്യ, ആഫ്രിക്ക, യൂറോപ്പ്, ദക്ഷിണ അമേരിക്ക എന്നീ മേഖലകളില്‍ നിന്നുള്ള ആരോഗ്യ പ്രവര്‍ത്തകര്‍ക്കാണ് മരുന്നുകള്‍ നല്‍കിയതെന്നും ബ്രിട്ടണ്‍ അറിയിച്ചു. ബ്രിട്ടണില്‍ ആദ്യമായിട്ടാണ് മരുന്നു നല്‍കുന്നത്. ബ്രൈറ്റണ്‍, സസെക്‌സ്, ജോണ്‍ റാഡ്ക്ലിഫ് എന്നീ ആശുപത്രികളിലാണ് ആദ്യ ഘട്ടമായി മരുന്നുകള്‍ ആരോഗ്യ പ്രവര്‍ത്തകര്‍ക്ക് നല്‍കിയത്. 25 സംസ്ഥാനങ്ങളിലായി മരുന്നുകള്‍ എത്തിച്ചതായി ബ്രിട്ടണ്‍ അറിയിച്ചു.
കൊറോണക്കെതിരെ ഈ മരുന്നുകള്‍ ഫലപ്രദമാണോ അല്ലയോ എന്ന് ഇതുവരെ വ്യക്തമല്ല. അതുപോലെ ആര്‍ക്കാണ് ഇത് ഗുണകരമെന്നും സ്ഥിരീകരിക്കപ്പെട്ടിട്ടില്ല. രോഗലക്ഷ ണത്തില്‍ കുറവുവന്നതായുള്ള ലോകത്തിന്റെ വിവിധ ഭാഗങ്ങളിലെ റിപ്പോര്‍ട്ടാണ് പരിഗണിച്ചതെന്ന് ഓക്‌സ്‌ഫോര്‍ഡ് സര്‍വ്വകലാശാല ആഗോര്യവിഭാഗം മേധാവി പ്രൊഫ. മാര്‍ട്ടിന്‍ ല്യുവെലിന്‍ വ്യക്തമാക്കി.
