ന്യൂഡല്ഹി: കൊറോണ വ്യാപനത്തിനൊപ്പം ഇന്ത്യയുടെ അതിര്ത്തിക്കുമേലും കൈവ യ്ക്കുന്ന ചൈനക്കെതിരെ തയ്യാറാക്കിയ മൊബൈല് ആപ്പിന് വന് സ്വീകാര്യത. വാങ് ചുക് എന്ന പ്രശസ്ത സംരഭകന് വികസിപ്പിച്ച ആപ്പിനാണ് വന് സ്വീകാര്യത ലഭിച്ചുകൊണ്ടി രിക്കുന്നത്. ആഗോള തലത്തില് ചതിയും വ്യാപാര രംഗത്തെ മൂല്യച്ച്യുതിക്കും കാരണ മാകുന്ന ചൈനയുടെ ഉല്പ്പന്നങ്ങളെ ഉപേക്ഷിക്കാനുള്ള വലിയ പ്രചാരണത്തിനിടെയാണ് ആപ്പിനെ ജനങ്ങള് സ്വീകരിച്ചിരിക്കുന്നതെന്ന് വാങ് ചുക് പറഞ്ഞു. വണ് ടച്ച് ആപ് ലാബ്സ് എന്ന കമ്പനിയാണ് ആപ്പ് വികസിപ്പിച്ചത്. ഇവ ഫോണുകളിലെ ചൈനാ ആപ്പുകളെ കണ്ടെത്തി നിര്വ്വീര്യമാക്കും. ഗൂഗിള് പ്ലേ സ്റ്റോറില് നിന്നും ഇത് സൗജന്യമായി ഡൗണ്ലോഡ് ചെയ്യാമെന്നും വാങ് ചുക് വ്യക്തമാക്കി.
ത്രീ ഇഡിയറ്റ്സ് എന്ന അമീര്ഖാന് സിനിമയിലെ പ്രശ്സ്തനായ ഫുന്സുക് വാങ്ഡു എന്ന കഥാപാത്രത്തിന് പ്രേരണയായ ലഡാക് സ്വദേശിയും സംരംഭകനുമാണ് വാങ് ചുക് എന്ന ഐ.ടി. വിദഗ്ധന്. നമ്മുടെ സൈനികര് ചൈനക്കെതിരെ യുദ്ധം ചെയ്യുമ്പോള് ചൈനയുടെ ഉല്പ്പന്നങ്ങളും ഹാര്ഡ്വെയറുകളും മേടിച്ചുകൂട്ടി സ്വന്തം നാടിനെ തോല്പ്പിക്കരുതെന്നാണ് വാങ് ചുക് അഭിപ്രായപ്പെട്ടത്. ചൈന നടത്തുന്ന വ്യാപാര യുദ്ധത്തില് ജയിക്കാന് നമ്മള് സജ്ജരാകണം. അവരുടെ നാട്ടിലെ തൊഴിലാളികള്ക്ക് യാതൊരു മാന്യതയും നല്കാത്ത കമ്യൂണിസ്റ്റ് ചൈനയെ മര്യാദ പഠിപ്പിക്കാന് ഇന്ത്യയുടെ 130 കോടി ജനതയ്ക്കാവും. നാം സ്വയം പര്യാപ്തരാകുന്നതിന്റെ ആദ്യ ഘട്ടമാണ് മൊബൈല് ആപ്പുകളുടെ നിയന്ത്രണമെന്നും വാങ് ചുക് ചൂണ്ടിക്കാട്ടി.
