മാഡ്രിഡ്: ഇറ്റാലിയന് ലീഗ് ആരംഭിക്കാനിരിക്കേ മുഖ്യപരിശീലകന് സിനദിന് സിദാന് എല്ലാ കളിക്കാര്ക്കുമൊപ്പം മൈതാനത്തിറങ്ങി. കൊറോണ ലോക്ഡൗണിനെ തുടര്ന്ന് താരങ്ങളെല്ലാം വ്യക്തിഗത പരിശീലനത്തിലേക്ക് ഒതുങ്ങിയ ശേഷം ഇത് ആദ്യമായാണ് സിദാന് രംഗത്തുവരുന്നത്. സിദാന് മൈതാനത്ത് കളിക്കാര്ക്ക് വേണ്ട നിര്ദ്ദേശങ്ങളുമായി എത്തിയത് വലിയ ആത്മവിശ്വാസമാണുണ്ടാക്കിയതെന്ന് ക്ലബ്ബ് അധികൃതര് അറിയിച്ചു.
‘ റയല് മാഡ്രിഡ് പരിശീലനത്തിന്റെ നാലാമത്തെ ആഴ്ചയിലെത്തി നില്ക്കുകയാണ്. നിലവില് സിദാന്റെ വരവ് ഒരുമിച്ചുള്ള പരിശീലനത്തിന് കൂടുതല് കരുത്തുപകരും’ റയലിന്റെ വാര്ത്താക്കുറിപ്പില് അറിയിച്ചു. ‘ കൊറോണ സുരക്ഷാ മാനദണ്ഡങ്ങള് പാലിച്ചുകൊണ്ടാണ് പരിശീലനം നടക്കുന്നത്. താരങ്ങളെല്ലാം ശാരീരികമായി നല്ല വ്യായമരീതികളിലേക്ക് കടന്നുകഴിഞ്ഞു. ചെറുടീമുകളാക്കിയുള്ള പരിശീലനമാണ് നടന്നു വന്നത്. ഇനി 12 പേരുടെ വീതം രണ്ടു ടീമുകളാക്കി പരിശീലനം സിദാന്റെ നേതൃത്വത്തില് നടക്കും’ ക്ലബ്ബ് വാര്ത്താക്കുറിപ്പിലൂടെ വ്യക്തമാക്കി.
ജൂണ് 11നാണ് ഇറ്റാലിയന് ലീഗായ ലാ ലീഗയുടെ മത്സരം പുനരാരംഭിക്കുന്നത്. ആദ്യമത്സരത്തില് സെവിയ റയല് ബെറ്റിസിനെയാണ് നേരിടുന്നത്. റയല് മാഡ്രിഡിന്റെ കളി 14-ാം തിയതി ഈബറിനെതിരെയാണ്. നിലവില് ലീഗില് ഒന്നാമതായ ബാഴ്സലോണയുടെ മത്സരം 13-ാം തീയതി റയ്ല് മല്ലോര്ക്കക്കെതിരെയാണ്.
