മുംബൈ : ഇന്ത്യയിലെ അടുത്ത ഫുട്ബോൾ സീസൺ (2020-21) തുടങ്ങാൻ വൈകും. ഓൾ ഇന്ത്യ ഫുട്ബോൾ ഫെഡറേഷൻ തന്നെയാണ് ഇത്തരമൊരു സാധ്യത പറഞ്ഞത്. സംസ്ഥാങ്ങൾക്ക് അയച്ച സർക്കുലറിലാണ് ഇക്കാര്യത്തെപ്പറ്റി സൂചിപ്പിച്ചത്.
ഇന്ത്യയിലെ ഫുട്ബോൾ സീസൺ എന്ന് തുടങ്ങുമെന്ന കാര്യത്തിൽ ധാരണയായിരുന്നില്ല. എന്നാൽ സെപ്റ്റംബറിൽ തുടങ്ങിയേക്കും എന്ന് നേരത്തെ ഫെഡറേഷൻ അധികൃതർ സൂചന നൽകിയിരുന്നു. എന്നാൽ ഇതാണിപ്പോൾ വൈകാൻ സാധ്യത. കൊറോണയെ തുടർന്നുണ്ടായ സാഹചര്യത്തിലാണ് ഇത്തരമൊരു തീരുമാനത്തിലേക്ക് ഫെഡറേഷൻ എത്തിയത്.
നേരത്തെ കൊറോണയെ തുടർന്ന് ഇന്ത്യൻ സൂപ്പർ ലീഗിന്റെ പോയ സീസണിന്റെ ഫൈനൽ മത്സരം അടച്ചിട്ട സ്റ്റേഡിയത്തിലായിരുന്നു നടത്തിയത്.
