ന്യൂഡല്ഹി: തന്റെ നൂറാം രാജ്യാന്തര മത്സരം കളിച്ച ദിവസം നെഞ്ചോട് ചേര്ത്ത് സുനില് ഛേത്രി. മുന് ഇന്ത്യന് ഫുട്നായകന് 2018 ജൂണ് 6-ാം തീയതിയാണ് നൂറാം മത്സരം കളിച്ചത്. മുംബൈ ഫുട്ബോള് അറീനയില് നടന്ന മത്സരത്തില് ആഫ്രിക്കന് കരുത്തരായ കെനിയയെ 3-0ന് ഇന്ത്യ തോല്പ്പിച്ചു. ഇരട്ട ഗോളുകള് നേടിയ സുനില് ഛേത്രിയുടെ പ്രകടനം ആരാധകര് ആവേശത്തോടെയാണ് ഓര്ത്തെടുക്കുന്നത്.
‘ നീലക്കുപ്പായമിട്ട ആരാധകര് ഇന്ത്യക്കായി ആര്ത്തുവിളിക്കുകയായിരുന്നു. കിക്കോഫിന് മുന്നേ സ്റ്റേഡിയം നിറഞ്ഞു കവിഞ്ഞിരുന്നു. രാജ്യത്തെ ലക്ഷക്കണക്കിന് ഫുട്ബോള് പ്രേമികള് ടി.വിയ്ക്ക് മുന്നിലും ഇന്ത്യക്കായി പ്രാര്ത്ഥിച്ചത് എന്നും ചരിത്ര മുഹൂര്ത്തമാണ് ‘ ഛേത്രി ട്വിറ്ററില് കുറിച്ചു.
സാധാരണ കാണികളെ കളിക്ക് മുമ്പ് കാണാന് ശ്രമിക്കാറില്ല. എന്നാല് അന്നത്തെ ദിവസം അങ്ങനെയായിരുന്നില്ലെന്നും ഇന്ത്യന് താരം ഗുര്പ്രീത് സിംഗ് സന്ധു ഓര്ത്തു. ചൈനീസ് തായ്പെയ് ടീമിനെതിരെ വിജയം നേടിയതിനാല് ഇന്ത്യയുടെ കരുത്തുറ്റ പ്രകടനം വീണ്ടു പ്രതീക്ഷിച്ചാണ് കാണികള് എത്തിയിരുന്നത്. ഛേത്രി അവരെ നിരാശരാക്കിയില്ലെന്നും സന്ധു പറഞ്ഞു. എല്ലാ ഇന്ത്യന് താരങ്ങളും ഇരുവശവും അണിനിരന്ന് ഗാര്ഡ് ഓഫ് ഓണര് നല്കിയാണ് കാണികളുടെ ആരവത്തിനിടെ ഛേത്രിയെ മൈതാനത്തേക്ക് ആനയിച്ചതെന്നും സന്ധു പറഞ്ഞു.