മുംബൈ: കായിക താരങ്ങളെ നിറത്തിന്റെ പേരില് ഒരിക്കലും അധിക്ഷേപിക്കാത്ത നാടാണ് ഇന്ത്യയെന്ന് ക്രിക്കറ്റ് താരങ്ങള്. വെസ്റ്റിന്ഡീസ് താരം ഡാരെന് സമിക്ക് ഐ.പി.എല്ലിനിടെ വര്ണ്ണവിവേചനം അനുഭവിക്കേണ്ടിവന്നുവെന്ന ആരോപണത്തെ തള്ളിയാണ് ഇന്ത്യന് താരങ്ങള് രംഗത്തുവന്നത്.
സണ്റൈസേഴ്സ് ഹൈദരാബാദിനെതിരെ കളിക്കുന്നതിനിടെയാണ് വര്ണ്ണവെറി കാണികളില് നിന്നും അനുഭവിക്കേണ്ടിവന്നതെന്ന് സമി കഴിഞ്ഞ ദിവസം ആരോപി ച്ചിരുന്നു. കളിക്കിടെ തന്നേയും ശ്രീലങ്കന് താരം തിസേര പെരേരയേയും കാലൂ എന്ന് വിളിച്ച് അധിക്ഷേപിച്ചെന്നായിരുന്നു ആരോപണം. കറുത്തവന് എന്ന രീതിയില് മോശമായി ഉപയോഗിക്കുന്ന വാക്കാണിതെന്ന് പിന്നീടാണ് മനസ്സിലായതെന്ന് സമി ഇന്സ്റ്റാഗ്രാ മിലൂടെയാണ് വെളിപ്പെടുത്തിയത്. 2013-14 സീസണിലാണ് സമി ഹൈദരാബാദിനായി കളിച്ചത്.
സമിക്കൊപ്പം കളിച്ച ഇര്ഫാന് പത്താന്, പാര്ത്ഥിവ് പട്ടേല്, വേണുഗോപാല് റാവു എന്നിവരാണ് സമിയുടെ ആരോപണത്തെ തള്ളി രംഗത്തെത്തിയത്. താരങ്ങളെ അങ്ങിനെ ആരും അധിക്ഷേപിക്കുന്നത് ശ്രദ്ധയില് പെട്ടിട്ടില്ല. ആഭ്യന്തര ക്രിക്കറ്റിലൊക്കെ നടക്കുമെന്നാല്ലാതെ അന്താരാഷ്ട്ര കായിക താരങ്ങള്ക്ക് നേരെ ഇന്ത്യന് ജനത അത്തരം ഒന്നും പ്രവര്ത്തിക്കാറില്ലെന്നും പത്താന് പറഞ്ഞു. കാണികളില് ചിലര് ആളാകാന് വേണ്ടി വല്ലതും പറയുമായിരിക്കും. എന്നാല് ഒരിക്കലും ഒരു കൂട്ടം അങ്ങിനെ ഒരു വാക്ക് ഉപയോഗിക്കുന്നതായി ഇന്ത്യന് മൈതാനങ്ങളില് അനുഭവിച്ചിട്ടില്ലെന്നും പത്താന് പ്രതികരിച്ചു.
