കാബൂള്: തടവില് കഴിയുന്ന മുഴുവന് താലിബാന് ഭീകരരേയും പുറത്തുവിടുന്ന കാര്യം ഈ മാസം തന്നെ പൂര്ത്തിയാക്കുമെന്ന് അഫ്ഗാന്. സമാധാന ചര്ച്ചകളിലെ കരാറിലെ ഒരു വ്യവസ്ഥകളും തെറ്റിക്കില്ലെന്ന് അഫ്ഗാന് പ്രസിഡന്റ് അഷറഫ് ഖാനി പറഞ്ഞു. രണ്ടു തവണയായി 3000 ഭീകരരെയാണ് അഫ്ഗാന് ഭരണകൂടം റംസാനിന് മുന്പും ശേഷവുമായി വിട്ടയച്ചത്. ആകെ 5000 ഭീകരരെ വിട്ടയക്കാനാണ് ധാരണ. ഇതിനൊപ്പം താലിബാന് പിടിച്ചുവച്ചിരിക്കുന്ന 1000 അഫ്ഗാന് സൈനികരെ മോചിപ്പിക്കണം എന്നതാണ് വ്യവസ്ഥ.
അമേരിക്കയുമായുള്ള ചര്ച്ചകള്ക്ക് ശേഷം താലിബാനും അമേരിക്കയും അഫ്ഗാനും സംയുക്തമായാണ് സമാധാന ഉടമ്പടി ഒപ്പുവച്ചത്. ദോഹയില് നടന്ന സമാധാന ഉടമ്പടിയില് ഇന്ത്യയടക്കമുള്ള അയല്രാജ്യങ്ങളെ അമേരിക്ക പ്രത്യേകം ക്ഷണിച്ചിരുന്നു. ഇരുഭാഗത്തു നിന്നുള്ള തടവുകാരുടെ മോചനം പൂര്ത്തിയാകുന്ന മുറയ്ക്കാണ് സമാധാന ചര്ച്ചകളിലൂടെ 19 വര്ഷത്തെ ആഭ്യന്തര പോരാട്ടം അവസാനിപ്പിക്കാന് തീരുമാനമാകൂ. അമേരിക്കയും സഖ്യസേനകളും ഇതിനോടനുബന്ധിച്ച് അവരുടെ സൈനികരുടെ പിന്മാറ്റവും പൂര്ത്തിയാ ക്കുമെന്നാണ് തീരുമാനം.
നിലവില് താലിബാന് ഭീകരരാക്രമണം നിര്ത്തിയിരിക്കുകയാണ്. ലഷ്കര്-ജയ്ഷെ ഭീകരസംഘടനകളുടെ പോരാട്ടങ്ങളില് ഒരു ദിവസം 60-70 പേര് വീതം വിവിധ ഭാഗങ്ങളിലായി കൊല്ലപ്പെടുന്നതായി ഇതിനിടെ ഖാനി ചൂണ്ടിക്കാട്ടി.
