മ്യൂണിച്ച്: ജര്മ്മന് ലീഗ് ബുന്ദേസ് ലീഗാ കിരീടം ബയേണ് മ്യൂണിച്ചിന്. ഇന്നലെ നടന്ന മത്സരത്തില് വെര്ഡര് ബെര്മനെ എതിരില്ലാത്ത ഒരു ഗോളിന് തോല്പ്പിച്ചതോടെയാണ് കിരീടം ഉറപ്പിച്ച്. തുടര്ച്ചയായ എട്ടാം കിരീടം എന്ന നേട്ടമാണ് ബയേണ് സ്വന്തമാക്കിയത്. 32 മത്സരങ്ങളില് നിന്നായി 76 പോയിന്റുകളാണ് ബയേണ് നേടിയത്. മുന്നേറ്റനിരയിലെ സൂപ്പര്താരം ലെവന്ഡോവ്സ്കിയാണ് 43-ാം മിനിറ്റില് ബെര്മനെ ഗോള്നേടിയത്. 79-ാം മിനിറ്റില് ഡേവിയസിന് ചുവപ്പുകാര്ഡ് കാണേണ്ടി വന്നെങ്കിലും ഒരാള് കുറഞ്ഞത് ബയേണിന്റെ മുന്നേറ്റത്തിനെ ബാധിച്ചില്ല. ലീഗില് 66 പോയിന്റ് നേടിയ ഡോട്ട്മുണ്ടാണ് രണ്ടാംസ്ഥാനത്ത് എത്തിയത്. ലീഗില് ഇനി അവശേഷിക്കുന്നത് മൂന്ന് മത്സരങ്ങളാണ്. എന്നാല് എല്ലാ കളിയും ജയിച്ചാലും ഡോട്ടമുണ്ടിന് ബയേണിനെ മറികടക്കാനാകില്ല എന്നതിനാലാണ് ലീഗ് കിരീടം ബയേണ് ഉറപ്പിച്ചത്. ഇന്നലെ ലീഗിലെ മറ്റ് മൂന്ന് മത്സരങ്ങള് കൂടി മറ്റ് ടീമുകളുടേതായി നടന്നിരുന്നു.
കാണികളില്ലാതെ നടന്ന മത്സരത്തില് ഒഴിഞ്ഞ ഗ്യാലറികളെ നോക്കി ടീം അംഗങ്ങള് അഭിവാദ്യം അര്പ്പിക്കുന്നതും ചരിത്രത്തിലെ ആദ്യ സംഭവമായി. യുവന്റസിന് ശേഷം സ്വന്തം ലീഗ് കിരീടം എട്ടുതവണ തുടര്ച്ചയായി നേടുന്ന രണ്ടാമത്തെ ടീമെന്ന നേട്ടമാണ് ബയേണ് സ്വന്തമാക്കിയിരിക്കുന്നത്. ലീഗിലെ മത്സരങ്ങളില് നേരിട്ടുള്ള 11 വിജയങ്ങള് നേടിയാണ് ബയേണ് ലീഗിന്റെ മുന്നിരയില് വിജയക്കൊടിപാറിച്ചത്.
ബയേണിനായി ലെവന്ഡോവ്സ്കി തന്റെ മികച്ച ഫോമില് തുടരുന്ന സീസണില് ടീമിനായി നേടിയ ഏക ഗോളിനൊപ്പം ലീഗിലെ 31-ാം ഗോളും സ്വന്തമാക്കി. ഇതോടെ ലീഗില് കളിക്കുന്ന വിദേശ താരം എന്ന നിലയില് സീസണില് ഏറ്റവും അധികം ഗോളുകള് നേടുന്ന താരങ്ങളില് ലെവന്ഡോവ്സ്കിയും ഇടംനേടി. നിലവില് ആഴ്സണലിന്റെ പിയറി എംറിയാണ് മുന്പ് ജര്മ്മന് ലീഗില് ഡോട്ട്മുണ്ടിനായി 31 ഗോളുകള് 2016-17 സീസണില് നേടിയത്.
