ലണ്ടന്: ഇംഗ്ലീഷ് പ്രീമിയര് ലീഗ് ഇന്ന് പുനരാരംഭിക്കുന്നു. കൊറോണക്ക് ശേഷം പുനരാരംഭിക്കുന്ന മൂന്നാമത്തെ ലീഗായി ഇതോടെ ഇംഗ്ലീഷ് പ്രീമിയര് ലീഗ് മാറിയി രിക്കുകയാണ്. 100 ദിവസങ്ങള്ക്ക് ശേഷമാണ് ഇംഗ്ലീഷ് പ്രീമിയര് ലീഗ് പുന:രാരം ഭിച്ചിരിക്കുന്നത്. ഇന്ന് നടക്കുന്ന ആദ്യമത്സരത്തില് ആസ്റ്റണ് വില്ല ഷെഫീല്ഡ് യുണൈറ്റഡിനെ നേരിടും. ലിവര്പൂളാണ് നിലവില് ലീഗില് ഒന്നാമതായി നില്ക്കുന്നത്. ആകെ 40 ദിവസത്തിനുള്ളില് പൂര്ത്തിയാക്കണമെന്ന് തീരുമാനിച്ചിരിക്കുന്ന ലീഗില് 92 മത്സരങ്ങളാണ് പൂര്ത്തിയാക്കേണ്ടത്. നിലവില് 29 മത്സരങ്ങള് പൂര്ത്തീകരിച്ച ലിവര്പൂള് 82 പോയിന്റുകളുമായി ലീഗ് കിരീടം ഉറപ്പിച്ച് നില്ക്കുകയാണ്. രണ്ടാം സ്ഥാനത്തുള്ള മാഞ്ചസ്റ്റര് സിറ്റിയുമായി 25 പോയിന്റുകള്ക്കും മുകളിലാണ് ലിവര്പൂള്.53 പോയിന്റുകളുള്ള ലെസസ്റ്റര് സിറ്റിയാണ് മൂന്നാമതുള്ളത്. നാലും അഞ്ചും സ്ഥാനത്ത് ചെല്സിയും മാഞ്ചസ്റ്റര് യുണൈറ്റഡുമാണുള്ളത്.
ഒരോ ടീമുകളുടേയും സ്വന്തം തട്ടകത്തില് തന്നെ അടച്ചിട്ട സ്റ്റേഡിയങ്ങളിലാണ് മത്സരം നടക്കുക. എല്ലാ ടീമുകളും കൊറോണ ബാധയില് മരണപ്പെട്ടവര്ക്ക് ആദരാഞ്ജലിയര്പ്പിച്ച ശേഷമാണ് മത്സരം ആരംഭിക്കുക. ഒപ്പം കറുത്തവര്ഗ്ഗക്കരോടുള്ള ആദരവ് പ്രകടിപ്പിക്കാന് ജഴ്സിയില് ‘ ബ്ലാക് ലൈവ്സ് മാറ്റര്’ എന്ന വാചകം എഴുതിച്ചേര്ക്കണമെന്നും ലീഗ് അധികൃതര് അറിയിച്ചു.
പരിശീലനത്തിനിടെ എട്ടു തവണ വീതം ഒരോ കളിക്കാരേയും കൊറോണ പരിശോധനക്ക് വിധേയരാക്കിയതായി ലീഗ് അധികാരികള് പറഞ്ഞു. ആകെ 8687 പരിശോധനകള്ക്കിടെ 16 പേര്ക്ക് കൊറോണ ബാധ കണ്ടെത്തുകയും ചെയ്തു. മത്സരങ്ങളെല്ലാം സംപ്രേക്ഷണം ചെയ്യും. 1992ന് ശേഷം ആദ്യമായി ബിബിസി ദേശീയ ചാനലില് ആദ്യമത്സരം തത്സമയം എല്ലാവര് ക്കുമായി സംപ്രക്ഷണം നടത്തുന്നു എന്ന പ്രത്യേകതയുമുണ്ട്.