ലണ്ടന്: ഇംഗ്ലീഷ് പ്രീമിയര് ലീഗില് ലിവര്പൂളിനടുത്തെത്താന് സിറ്റിയുടെ തകര്പ്പന് പോരാട്ടം. ഇന്നലെ നടന്ന മത്സരത്തില് ബേണ്ലീക്കെതിരെ എതിരില്ലാത്ത അഞ്ചുഗോളിന്റെ ജയമാണ് സിറ്റി നേടിയത്. ആദ്യപകുതിയില്ത്തന്നെ മൂന്നുഗോളുകളടിച്ച സിറ്റി രണ്ടാം പകുതിയുടെ തുടക്കത്തിലും രണ്ടു ഗോളുകള് നേടി ബേണ്ലി പ്രതിരോധത്തെ നോക്കു കുത്തിയാക്കി. ഫോദേന്, മഹ് രേസ് എന്നിവരുടെ ഇരട്ടഗോളുകളാണ് മത്സരം ആവേശ ഭരിതമാക്കിയത്. രണ്ടാം പകുതിയിലെ ഗോളിനവകാശി സില്വയായിരുന്നു. ജയത്തോടെ സിറ്റി 30 കളികളിലായി 63 പോയിന്റിലേക്കെത്തി. ലിവര്പൂള് 83 പോയിന്റുകളുമായി ബഹുദൂരം മുന്നിലാണ്.
കളിതുടങ്ങി 23-ാം മിനിറ്റില് ഫോദേനാണ് സിറ്റിക്കായി തുടക്കമിട്ടത്. ആദ്യപകുതിയുടെ അവസാന നിമിഷങ്ങളില് മഹ്രേസ് നേടിയ ഇരട്ട ഗോളുകള് ബേണ്ലിയുടെ എല്ലാ പ്രതീക്ഷകളും തകര്ത്തു. 43-ാം മിനിറ്റിലും 48-ാം മിനിറ്റിലുമാണ് മഹ്രേസിന്റെ ഗോളുകള് പിറന്നത്. ആദ്യപകുതിയില് ലഭിച്ച അധികസമയത്താണ് മഹ്രേസ് കിട്ടിയ പെനാല്റ്റി മുതലാക്കിയത്. രണ്ടാം പകുതിയുടെ തുടക്കത്തിലും ബേണ്ലിയെ അനങ്ങാന് സമ്മതിക്കാതെ സിറ്റി മുന്നേറ്റനിര കളം നിറഞ്ഞു. കളിതുടങ്ങി 51-ാം മിനിറ്റില്ത്തന്നെ സില്വയിലൂടെ ബേണ്ലിയുടെ വല വീണ്ടും കുലുങ്ങി. 63-ാം മിനിറ്റില് ഫോദേന് തന്റെ രണ്ടാം ഗോളും അടിച്ചതോടെ സിറ്റി 5-0 എന്ന നിലയിലേക്ക് എത്തി.
