ലണ്ടന്: ലിവര്പൂള് ഇംഗ്ലീഷ് പ്രീമിയര് ലീഗ് കിരീടത്തിലേയ്ക്ക് വീണ്ടും അടുത്തു. ഇന്നലെ നടന്ന മത്സരത്തില് ക്രിസ്റ്റല് പാലസിനെ എതിരില്ലാത്ത നാലുഗോളുകള്ക്കാണ് ചെമ്പട തകര്ത്തത്. ഇതോടെ ലീഗില് ഏറെ മുന്നിലുള്ള ടീം 30 വര്ഷത്തിന് ശേഷം ആദ്യമായി പ്രീമിയര് ലീഗ് കിരീടത്തില് മുത്തമിടാന് പോവുകയാണ്.
ആന്ഫീല്ഡിലെ സ്വന്തം തട്ടകത്തിലാണ് ലിവര്പൂള് ക്രിസ്റ്റല് പാലസിനെതിരെ വിജയഗാഥ രചിച്ചത്. മുന്നിര താരങ്ങളെല്ലാം ഊഴമിട്ട് ക്രിസ്റ്റലിന്റെ വലനിറയ്ക്കുകയായിരുന്നു. എതി രാളികളുടെ പ്രതിരോധത്തെ നോക്കുകുത്തിയാക്കി അലക്സാണ്ടര് അര്നോള്ഡാണ് 23-ാം മിനിറ്റില് ആദ്യ ഗോളടിച്ചത്. തുടര്ന്ന് ആദ്യപകുതി തീരുംമുന്നേ സൂപ്പര് താരം മുഹമ്മദ് സലാ രണ്ടാം ഗോള് നേടി. 44-ാം മിനിറ്റിലാണ് സല എതിരാളിയുടെ വല ചലിപ്പിച്ചത്. രണ്ടാം പകുതി യുടെ 55-ാം മിനിറ്റില് ഫാബിയാനോയും 69-ാം മിനിറ്റില് സാദിയോ മാനേയും ലിവര്പൂളിനായി മൂന്നാമത്തേയും നാലാമത്തേയും ഗോളുകള് നേടി.
സീസണില് ആകെ 31 മത്സരങ്ങളിലായി 70 ഗോളുകളടിച്ചാണ് ലിവര്പൂള് കിരീടത്തിലേക്ക് അടുത്തിരിക്കുന്നത്. സീസണില് എല്ലാ മത്സരങ്ങളിലുമായി ലിവര്പൂള് ആകെ 102 ഗോളു കള് നേടിയിരിക്കുകയാണ്. അടുത്തമത്സരത്തില് ചെല്സി മാഞ്ചസ്റ്റര് സിറ്റിയെ തോല്പ്പി ച്ചാല് ലിവര്പൂള് നാളെ കിരീടം ഉറപ്പിക്കും. പോയിന്റ് നിലയില് ലിവര്പൂളിന് 86 പോയിന്റാ ണുള്ളത് , സിറ്റിയ്ക്ക് 63 പോയിന്റും.