ലണ്ടന്: ലിവര്പൂള് ഇംഗ്ലീഷ് പ്രീമിയര് ലീഗ് ചാമ്പ്യന്മാരായി. തൊട്ടു പിന്നിലുള്ള മാഞ്ചസ്റ്റര് സിറ്റി ചെല്സിയോട് ഇന്നലെ പരാജയപ്പെട്ടതോടെയാണ് ലിവര്പൂള് വിജയികളായി മാറിയത്. ലിവര്പൂളിന്റെ 30 വര്ഷത്തെ കാത്തിരിപ്പിനാണ് വിരാമമായത്. അതിഗംഭീരമായ വിജയ ത്തില് ജുര്ഗന് ക്ലോപ്പ് ടീം സന്തോഷത്താല് മതിമറക്കുകയാണ്. 1989-90ന് ശേഷം ആദ്യമായി ട്ടാണ് ഒരു സുപ്രധാന കിരീടം ലിവര്പൂള് ക്ലബ്ബ് സ്വന്തമാക്കിയത്. ഈ വിജയത്തെ അവിശ്വ സനീയമെന്നാണ് പരിശീലകന് ജുര്ഗന് ക്ലോപ്പ് വിശേഷിപ്പിച്ചത്.
മാഞ്ചസ്റ്റര് സിറ്റി ചെല്സിയോട് ഒന്നിനെതിരെ രണ്ടു ഗോളുകള്ക്ക് തോറ്റതറിഞ്ഞതോടെ ആന്ഫീല്ഡില് ലിവര്പൂള് ആരാധകര് പൂത്തിരി കത്തിച്ച് ആഹ്ലാദം തുടങ്ങി. കൊറോണ കടുത്ത നിയന്ത്രണം നിലനില്ക്കുന്ന ലിവര്പൂള് മേഖലയില് പക്ഷെ ആരാധകര് രാത്രിതന്നെ തെരുവിലിറങ്ങിക്കഴിഞ്ഞു. ചെല്സി കളികണ്ടുകൊണ്ടിരുന്ന ലിവര്പൂള് താരങ്ങളായ ഗോള്കീപ്പര് അലിസണ്, പ്രതിരോധ നിരയിലെ വാന് ദിക്, മധ്യനിരതാരം ചേംബര്ലിന് എന്നിവര് സമൂഹമാദ്ധ്യമത്തിലൂടെ തങ്ങളുടെ ആഹ്ലാദം ആരാധകരുമായി പങ്കുവച്ചു.തങ്ങളുടെ അഞ്ചുവര്ഷത്തെ ആഗ്രഹത്തേക്കാള് 30 വര്ഷം കാത്തിരുന്ന ആരാധകര്ക്ക് ഈ നേട്ടം സമ്മാനിക്കുകയാണെന്നും ടീം അംഗങ്ങള് പറഞ്ഞു.
1973നും 1990നും ഇടയില് 11 തവണ കിരീടം ചൂടിയ ലിവര്പൂളിന് പിന്നെയുള്ള കാത്തിരിപ്പ് താങ്ങാവുന്നതായിരുന്നില്ല. ഇത്തവണ പ്രീമിയര് ലീഗില് ഒരേയൊരു തോല്വിമാത്രം ഏറ്റുവാങ്ങിയാണ് മുന്നേറിയത്. 32 കളികളിലായി 28 ജയവും 2 സമനിലയും ഒരു തോല്വിയുമാണ് ലിവര്പൂളിന്റേതായുള്ളത്. മുഹമ്മദ് സലാ, സാദിയോ മാനേ, വാന് ദിക്, ഫിര്മിനോ, ഹെന്ഡേഴ്സണ് എന്നിവര്ക്കൊപ്പം അലിസണ് ബെക്കറുടെ ചോരാത്ത കൈകളും ലിവര്പൂളിനെ എല്ലാ കളികളിലും വിജയത്തേരിലേറ്റി.