ലണ്ടന്: ഇംഗ്ലീഷ് പ്രീമിയര് ലീഗില് സ്വപ്നക്കുതിപ്പിലൂടെ ചാമ്പ്യന്മാരായ ലിവര്പൂളിനെ എതിരാളികള് ഇന്ന് ആദരിക്കും. മുന് ചാമ്പ്യന് മാഞ്ചസ്റ്റര് സിറ്റിയാണ് ലിവര്പൂളിനെ ആദരിക്കുന്നത്. സിറ്റിയുടെ തട്ടകത്തില് ഇരുടീമുകളും ഏറ്റുമുട്ടാനിറങ്ങുന്നതിന് മുമ്പാണ് ഗാര്ഡ് ഓഫ് ഓണര് നല്കുക എന്ന് സിറ്റി പരിശീലകന് ഗാര്ഡിയോള മുന്നേ അറിയിച്ചിരുന്നു. കഴിഞ്ഞയാഴ്ച സിറ്റിയെ ചെല്സി തോല്പ്പിച്ചതോടെയാണ് ലിവര്പൂള് അടുത്ത മത്സരം ജയിക്കാതെ തന്നെ പോയിന്റ് നിലയില് ലീഗ് ചാമ്പ്യന് പട്ടം ഉറപ്പിച്ചത്.
ഇന്നുരാത്രി മാഞ്ചസ്റ്റര് സിറ്റിയുടെ തട്ടകമായ എത്തിഹാദ് സ്റ്റേഡിയത്തിലാണ് ലിവര്പൂളിന് ആദരവ് അര്പ്പിക്കുന്നത്. 30 വര്ഷങ്ങള്ക്ക് ശേഷമാണ് ലിവര്പൂള് ഒരു സുപ്രധാന കിരീടം ചൂടുന്നത്. എന്നാല് ഇത്തവണ പ്രീമിയര് ലീഗില് എതിരാളികളെ ബഹുദൂരം പിന്നിലാ ക്കിയുള്ള ജുര്ഗന് ക്ലോപ്പിന്റേയും താരങ്ങളുടേയും കുതിപ്പ് എല്ലാം തികഞ്ഞതായിരുന്നു. ലീഗിലെ 31 കളികളിലായി ഒരു തോല്വിയും രണ്ടു സമനിലകളും മാത്രം വഴങ്ങിയാണ് ലിവര്പൂള് 86 പോയിന്റുകളുമായി തലപ്പത്ത് നിലയുറപ്പിച്ചത്. തൊട്ടു താഴെ രണ്ടാം സ്ഥാനത്തുള്ള സിറ്റിയ്ക്ക് 8 തോല്വികളും 3 സമനിലയും അടക്കം 63 പോയിന്റുകള് മാത്രമാണുള്ളത്. 23 പോയിന്റുകളുടെ വലിയ വ്യത്യാസം പോലും ലീഗ് ചരിത്രത്തിലെ ഒരു സംഭവമാണ്.