ലണ്ടന്: വെസ്റ്റിന്ഡീസിനെതിരെ ഇംഗ്ലണ്ട് മികച്ച തയ്യാറെടുപ്പിലെന്ന് ഇംഗ്ലണ്ട് ക്യാപ്ററന് ബെന് സ്റ്റോക്സ്. എല്ലാവരും ഏറെ പ്രതീക്ഷയിലാണ്. അന്താരാഷ്ട്ര മത്സരം തന്നെ ഇംഗ്ലണ്ടില് ആദ്യം ആരംഭിക്കുന്നത് കായിക പ്രേമികള്ക്ക് ഏറെ ആവേശം പകരുമെന്നും സ്റ്റോക്സ് പറഞ്ഞു. കാണികളെ സ്റ്റേഡിയത്തിലേക്ക് ക്ഷണിക്കാന് പറ്റാത്തതിലുള്ള വിഷമവും സ്റ്റോക്സ് പങ്കുവെച്ചു. ഇംഗ്ലണ്ടിനെ ടെസ്റ്റില് നയിക്കുന്ന 81-ാംമത് നായകനായി 29 കാരനായ സ്റ്റോക്സ് ഇന്ന് മാറുകയാണ്. ഇന്ത്യന് സമയം 3മണിക്ക് ആരംഭിക്കുന്ന ടെസ്റ്റ് ക്രിക്കറ്റ് സംപ്രേഷണാവകാശം സോണി ചാനലിനാണ്.
അവസാന ഇലവനെ ടോസ് നേടിയ ശേഷം മാത്രമേ പ്രഖ്യാപിക്കൂ എന്നാണ് സ്റ്റോക്സ് പറഞ്ഞത്. മികച്ച ഫോമിലുള്ള ജെയിംസ് ആന്ഡേഴ്സന്, സ്റ്റുവര്ട്ട് ബ്രോഡ്, ജോഫ്രാ ആര്ച്ചര്, മാര്ക് വുഡ്, ക്രിസ് വോക്സ് എന്നിവര് ഇംഗ്ലണ്ടിന്റെ പേസ് നിരയില് മുതല്ക്കൂട്ടാണെന്നും സ്റ്റോക്സ് പറഞ്ഞു.
കായികലോകത്തെ വര്ണ്ണവിവേചനത്തിനെതിരായ സന്ദേശവും ഈ ടെസ്റ്റിലൂടെ നല്കുമെന്നും സ്റ്റോക്സ് പറഞ്ഞു. എല്ലാവരും ഷര്ട്ടില് ബ്ലാക് ലൈവ്സ് മാറ്റേഴ്സ് എന്ന് എഴുതിയ ബാഡ്ജുകള് ധരിക്കുമെന്നും സ്റ്റോക്സ് പറഞ്ഞു.
