പലതരം മത്സ്യങ്ങളെ കുറിച്ച് നാം കേട്ടിട്ടുണ്ട്. എന്നാല് മനുഷ്യ മുഖമുള്ള മത്സ്യത്തെ കുറിച്ച് കേട്ടിട്ടുണ്ടോ. കേള്ക്കുമ്പോള് അതിശയം തോന്നുമെങ്കിലും സംഗതി സത്യമാണ്. അത്തരത്തിലൊരു മത്സ്യത്തിന്റെ ചിത്രമാണ് ഇപ്പോള് സാമൂഹ്യ മാദ്ധ്യമങ്ങളില് വൈറലാകുന്നത്. മനുഷ്യന്റേതിന് സമാനമായ പല്ലുകളും ചുണ്ടുകളുമാണ് ഈ മത്സ്യത്തിനുള്ളത്.
മനുഷ്യരുടേത് പോലെയുള്ള ചുണ്ടും പല്ലുകളുമുള്ള ഈ മത്സ്യത്തിന്റെ രണ്ട് ചിത്രങ്ങളാണ് സാമൂഹ്യ മാദ്ധ്യങ്ങളിലൂടെ വ്യാപകമായി പ്രചരിക്കുന്നത്. മലേഷ്യയിലെ ട്രിഗര് ഫിഷാണ് ഇതെന്നാണ് ചിലരുടെ അവകാശവാദം. മലേഷ്യയില് സര്വ്വ സാധാരണമായി കണ്ടുവരുന്ന മത്സ്യമാണിത്. തന്റെ സമീപത്തേക്ക് വരുന്ന ജീവികളെ ആക്രമിക്കുന്നതില് സമര്ത്ഥനെന്നാണ് ഈ മത്സ്യം. തന്റെ അടുത്തേക്ക് വരുന്ന മനുഷ്യരെപോലും ഇവ വെറുതെ വിടില്ലെന്നും റിപ്പോര്ട്ടുകളുണ്ട്. മൂര്ച്ചയേറിയ പല്ലുകള് ഉപയോഗിച്ചാണ് ഇതിന്റെ ആക്രമണ രീതി.
സാമൂഹ്യ മാദ്ധ്യമങ്ങളില് വന് സ്വീകാര്യതയാണ് ഈ മീനുകളുടെ ചിത്രങ്ങള്ക്ക് ലഭിച്ചിരിക്കുന്നത്. ഈ മത്സ്യത്തെ കുറിച്ചുള്ള കൂടുതല് വിവരങ്ങള് അറിയാനുള്ള ശ്രമത്തിലാണ് ആളുകള് ഇപ്പോള്.