രുദ്രപ്രയാഗ്: കാണാതായ പര്വ്വതാരോഹകരെ രക്ഷപെടുത്തിയതായി റിപ്പോര്ട്ട്. അര്ദ്ധസൈനിക വിഭാഗമാണ് കാണാതായെന്ന് കരുതിയവരെ കണ്ടെത്തിയത്. ഉത്തരാഖണ്ടിലെ സംസ്ഥാന ദുരന്ത രക്ഷാസേനാംഗങ്ങളാണ് തിരച്ചിലിനിറങ്ങിയത്. നാലുപേരുടേയും ആരോഗ്യനില തൃപ്തികരമാണെന്നും സേന പറഞ്ഞു.
ഉത്തരാഖണ്ടിലെ ദുര്ഘടമായ ത്രിയുഗിനാരായണ് എന്ന മലയിടുക്കിലൂടെ കയറുമ്പോഴാണ് ഇവരെ കാണാതായത്. നിലവില് നാലുപേരേയും തോഷി ഗ്രാമത്തിലെത്തിച്ചതായി സേന അറിയിച്ചു. കേദാര്നാഥ് ക്ഷേത്രത്തില് നിന്നും വാസുകീ താളിലേയ്ക്കുള്ള യാത്രയ്ക്കിടെ വഴിതെറ്റിപ്പോവുകയായിരുന്നുവെന്നാണ് വിവരം. പര്വ്വതാരോഹണം സ്ഥിരമായി നടത്തുന്ന ഹിമാന്ശൂ ഗുരുംഗ്, ഹര്ഷ് ഭണ്ഡാരി, മോഹിത് ഭട്ട്, ജഗദീഷ് ബിഷ്ത് എന്നിവരാണ് അപകടത്തില്പെട്ടത്. എല്ലാവരും ഡെറാഡൂണ്, നൈനിറ്റാള് ജില്ലകളില് നിന്നുള്ളവരാണ്.
