അരികുകളില് തീനാമ്പുകള് ജ്വലിക്കുന്ന സൂര്യന്. കഴിഞ്ഞ ദിവസം നാസ പ്രസിദ്ധീകരിച്ച സൂര്യന്റെ ഏറ്റവും പുതിയ ചിത്രങ്ങളിലാണ് ഇത്തരമൊരു കൗതുക കാഴ്ച്ചയുള്ളത്. സൂര്യന്റെ ഇതുവരെയുള്ളതില് ഏറ്റവും സമീപത്ത് നിന്നും പകര്ത്തിയ ചിത്രങ്ങളാണിത്. യൂറോപ്യന് സ്പേസ് ഏജന്സിയും നാസയുമാണ് ഈ ചിത്രങ്ങള് പകര്ത്തിയത്.
യൂറോപ്യന് സ്പേസ് ഏജന്സി ഫെബ്രുവരിയില് വിക്ഷേപിച്ച സോളാര് ഓര്ബിറ്റ് പകര്ത്തിയ ആദ്യ ചിത്രങ്ങളാണിവ. സൂര്യനില് നിന്നും 4.8 കോടി മൈലുകള് അകലെയാണ് സോളാര് ഓര്ബിറ്റിന്റെ സ്ഥാനം. സോളാര് ഓര്ബിറ്റിന്റെ കുറച്ച് മുകളിലാണ് നാസയുടെ പാര്ക്കര് സോളാര് പ്രോബ് ചലിച്ചു കൊണ്ടിരിക്കുന്നത്. സൂര്യനില് നിന്നും അപകടകരഹിതമാം വിധത്തില് ചിത്രങ്ങള് പകര്ത്താന് കഴിയുന്ന തരത്തിലുള്ള ക്യാമറയാണ് ഇതില് ഘടിപ്പിച്ചിരിക്കുന്നത്.
ചാര നിറത്തിലും മഞ്ഞ നിറത്തിലും ഉള്ള ജ്വാലകളാണ് സൂര്യന് ഈ ചിത്രത്തില് ഉള്ളത്. ചിത്രങ്ങളില് കാണുന്ന ചെറിയ ചെറിയ തീനാമ്പുകളെ കുറിച്ച് പഠനം നടത്താനൊരുങ്ങുകയാണ് ഗവേഷകര്. സൂര്യഗോളത്തിന്റെ അരികുകളില് കാണപ്പെടുന്ന ജ്വാലകള് സൂര്യന്റെ ഉള്കാമ്പിലേക്കാണ് നീളുന്നതെന്നും ഇത് ഉള്ളിലെ ചൂട് കൂട്ടാനിടയാകുമെന്നുമാണ് ഗവേഷകരുടെ വിലയിരുത്തല്. സൗരോപരിതലത്തില് എല്ലായിടത്തും ഈ ജ്വാലകള് കാണാന് സാധിക്കുന്നുണ്ടെന്നും ചെറു സ്ഫോടനങ്ങളോ ജ്വാലകളോ ആവാം ഇവയെന്നും ഗവേഷകര് അഭിപ്രായപ്പെടുന്നുണ്ട്. സോളാര് ഓര്ബിറ്റര് 2 വര്ഷത്തിനുള്ളില് സൂര്യനോട് കൂടുതല് അടുക്കുകയും അതോടെ സൂര്യനെ കുറിച്ചുള്ള സംശയങ്ങളെല്ലാം കൂടുതല് ചുരുളഴിയുമെന്നുമാണ് ശാസ്ത്രലോകം പ്രതീക്ഷിക്കുന്നത്.
