മണ്ണിടിച്ചിലില് നിന്നും തലനാരിഴയ്ക്ക് രക്ഷപ്പെട്ട ബൈക്ക് യാത്രികന്റെ വീഡിയോയാണ് ഇപ്പോള് സാമൂഹ്യ മാദ്ധ്യമങ്ങളില് വൈറലാകുന്നത്. അപകടത്തില് നിന്നും രക്ഷപ്പെട്ട ബൈക്ക് യാത്രികനെ ഭാഗ്യവാനെന്നാണ് ഇപ്പോള് പലരും വിശേഷിപ്പിക്കുന്നത്. മേഘാലയയില് നിന്നുള്ള വീഡിയോയെന്ന തരത്തില് പ്രചരിക്കുന്ന ഈ വീഡിയോ യഥാര്ത്ഥത്തില് ഇന്തോനേഷ്യയില് നിന്നുള്ളതാണ്. മേഘാലയയിലെ ദേശീയപാതയിലുണ്ടായ മണ്ണിടിച്ചിലാണ് എന്ന രീതിയിലാണ് സാമൂഹ്യ മാദ്ധ്യമങ്ങളില് ഈ വീഡിയോ വ്യാപകമായി പ്രചരിക്കുന്നത്. എന്നാല് ഇത് ഇന്തോനേഷ്യയില് നിന്നുള്ള ദൃശ്യങ്ങളാണെന്ന് മേഘാലയ പൊലീസ് വ്യക്തമാക്കിയിട്ടുണ്ട്.
ഏപ്രില് 9 ന് ഇന്തോനേഷ്യയിലുണ്ടായ അപകടമാണിത്. വ്യാജ ക്യാപ്ഷനുകള് നല്കിയും തെറ്റായ ഉള്ളടക്കങ്ങള് ഉപയോഗിച്ചും ആരും വീഡിയോ ഷെയര് ചെയ്യരുതെന്നും മേഘാലയ പൊലീസ് അറിയിച്ചിട്ടുണ്ട്.
മണ്ണിടിച്ചിലിന്റെ ഭീകരതയെ കുറിച്ചും ചരിവുള്ള പ്രദേശങ്ങളില് മരങ്ങള് നടേണ്ടതിന്റെ ആവശ്യകതയെ കുറിച്ചുമെല്ലാം ബോധ്യപ്പെടുത്തുന്ന ഒരു വീഡിയോയാണിത്. പെട്ടെന്നുണ്ടാകുന്ന മണ്ണിടിച്ചിലും അതിന്റെ ഭയാനകതയും അതിവിദഗ്ധമായി അപകടത്തില് നിന്നും രക്ഷപ്പെടുന്ന ബൈക്ക് യാത്രികനുമെല്ലാം മരങ്ങള് വെച്ചുപിടിപ്പിക്കേണ്ടതിന്റെ പ്രധാന്യം നമുക്ക് മനസിലാക്കി തരുന്നു. ബൈക്ക് യാത്രികന് കടന്നു പോകുന്നതിന് സെക്കന്റുകള്ക്ക് മുന്പാണ് മണ്ണിടിച്ചില് ഉണ്ടാകുന്നത്. ചെളിയും മണ്ണുമെല്ലാം റോഡിലേക്ക് വീഴുമ്പോള് യാത്രക്കാരന് തലനാരിഴയ്ക്കാണ് രക്ഷപ്പെടുന്നത്. വാഹനം ഉള്പ്പെടെ മണ്ണിനടിയിലായെങ്കിലും യാത്രക്കാരന് ഗുരുതര പരിക്കുകളില്ലാതെ രക്ഷപ്പെടുന്ന ദൃശ്യങ്ങളാണ് വീഡിയോയിലുള്ളത്.
A video clip of a Landslide which is being circulated on social media is from settlements of Chiangjur & Sukanagara in Indonesia, NOT from National Highway of Meghalaya.
We request citizens not to share or circulate the video clip with false content or caption. pic.twitter.com/evQ3UvZm0F
— Meghalaya Police (@MeghalayaPolice) May 21, 2020
That biker is the luckiest person. But do you know why such landslide happens. See how tree line stopped further slump. Best video to understand utility of trees in slope stabilisation. A simpel lesson. This is from Indonesia. Via @idnani_nandini pic.twitter.com/GU7QfrUiRH
— Parveen Kaswan, IFS (@ParveenKaswan) July 20, 2020