പാരീസ്: ഫ്രഞ്ച് ലീഗ് ചാമ്പ്യന്മാര്ക്ക് സീസണിലെ രണ്ടാം കിരീടം. ഇന്നലെ നടന്ന മത്സരത്തില് സെയ്ന്റ് എന്റീയേനയെ എതിരില്ലാത്ത ഒറ്റ ഗോളിനാണ് പി.എസ്.ജി തോല്പ്പിച്ചത്. സൂപ്പര്താരം നെയ്മറാണ് വിജയഗോള് നേടിയത്. കൊറോണ മഹാമാരിക്കിടെ ഫ്രാന്സില് നടന്ന ഏക ഫൈനല് മത്സരത്തിലാണ് പി.എസ്.ജി കിരീടം ചൂടിയത്. 14-ാം മിനിറ്റിലാണ് നയ്മര് സെയ്ന്റ് എന്റീയേനയുടെ വലകുലുക്കിയത്. അതിവേഗം മധ്യത്തിലൂടെ ഓടിക്കയറിയ നെയ്മറുടെ ഷോട്ട് പോസ്റ്റിന്റെ മുകളിലിടിച്ച് വലയില് കയറി.
കളിക്കിടെ കെലിയാന് എംബാപ്പേയ്ക്ക് പരിക്കേറ്റത് പി.എസ്.ജിയ്ക്ക് വലിയ ആഘാതമായി. 23-ാം മിനിറ്റിലാണ് എംബാപ്പേയ്ക്ക് പരിക്കേറ്റത്. കാല്വണ്ണയില് പരിക്കേറ്റ് വേദനകൊണ്ടു പുളഞ്ഞുകൊണ്ടാണ് എംബാപ്പേ കളംവിട്ടത്. മന:പൂര്വ്വം ഫൗള് ചെയ്തതാണെന്ന് വാര് സംവിധാനത്തിലൂടെ തിരിച്ചറിഞ്ഞതോടെ പെറിന് ചുവപ്പുകാര്ഡും കിട്ടി.
പി.എസ്.ജി. ആഗസ്റ്റിലെ ചാമ്പ്യന്സ് ലീഗില് ക്വാര്ട്ടറിലേയ്ക്ക് മുന്നേ യോഗ്യത നേടിയിരുന്നു. അത്ലാന്റയ്ക്കെതിരെയുള്ള പോരാട്ടത്തില് മുന്നിരയിലെ കരുത്തന്റെ പരിക്കില് പി.എസ്.ജി പരിശീലകന് തോമസ് തൂച്ചെല് നിരാശയിലാണ്.