കാര്ഗില് യുദ്ധത്തില് ഏറെ നിര്ണായകമായ ടോളോലിംഗ് മലനിരകള് പിടിച്ചെടുക്കാന് വേണ്ടി നിയമിച്ച ബറ്റാലിയനെ മുന്നില് നിന്നും നയിച്ച ധീര സൈനികനായിരുന്നു 18 ഗ്രനേഡിയേഴ്സിലെ മേജര് രാജേഷ് സിംഗ് അധികാരി. പാക് പട്ടാളത്തിന് ശക്തമായ സ്വാധീനമുള്ള പ്രദേശങ്ങളില് നിന്നും അവരെ തുരത്തുക എന്നതായിരുന്നു രാജേഷ് സിംഗ് അധികാരിക്ക് നല്കിയിരുന്ന ദൗത്യം. 1999 മെയ് 30ന് രാത്രി അധികാരിയും 10 അംഗ ഗ്രനേഡിയേഴ്സ് സംഘവും ശത്രുക്കളെ ലക്ഷ്യമാക്കി നീക്കം ആരംഭിച്ചു. 10 അംഗ ഗ്രനേഡിയേഴ്സ് സംഘത്തിലെ സെന്ട്രല് ടീമിനെ നയിച്ചത് അധികാരിയാണ്. ശത്രുക്കളുടെ ബങ്കറുകള് ഇല്ലാതാക്കാല് ആയിരുന്നു ഇവരുടെ ദൗത്യം.
ലക്ഷ്യത്തിലേക്ക് അടുക്കുകയായിരുന്ന സംഘത്തിനു നേര്ക്ക് രണ്ട് പാക് ബങ്കറുകളില് നിന്നും ആക്രമണമുണ്ടായി. പിന് വാങ്ങാന് കണ്ട്രോള് റൂമില് നിന്നും നിര്ദ്ദേശം വന്നെങ്കിലും രാജേഷ് സിംഗ് അധികാരി അതിന് തയ്യാറായിരുന്നില്ല. തുടര്ന്ന് പാക് ബങ്കറിന് നേരെ റോക്കറ്റ് ആക്രമണം നടത്താന് അദ്ദേഹം നിര്ദ്ദേശിക്കുകയും ചെയ്തു. നിര്ണ്ണായക നീക്കത്തിലൂടെ ഇന്ത്യന് സൈനിക സംഘം ഒരു ബങ്കര് തകര്ക്കുകയും രണ്ട് പാക് പട്ടാളക്കാരെ വകവരുത്തുകയും ചെയ്തു. എന്നാല് ശത്രുക്കളുടെ ആക്രമണത്തില് അദ്ദേഹത്തിന് വെടിയേറ്റു. ലക്ഷ്യസ്ഥാനത്തേക്ക് എത്താന് കേവലം 20 മീറ്റര്മാത്രം ബാക്കി നില്ക്കേയാണ് അദ്ദേഹത്തിന് വെടിയേറ്റത്.
ഗുരുതരമായ പരിക്കേറ്റിട്ടും അദ്ദേഹം തന്റെ സൈനികര്ക്ക് നിര്ദ്ദേശങ്ങള് നല്കിക്കൊണ്ടേയിരുന്നു. പിന്മാറാന് അദ്ദേഹം തയ്യാറായില്ല. രണ്ടാമത്തെ ബങ്കറിനു നേരെ നീങ്ങി ഒരു പാക് സൈനികനെക്കൂടി അദ്ദേഹം വകവരുത്തി. ടോളോലിംഗ് നിരകള് ഇന്ത്യയുടെ കയ്യില് ഭദ്രമാക്കിയ ശേഷം ഗുരുതരമായി പരിക്കേറ്റ മേജര് രാജേഷ് സിംഗ് അധികാരി വീരമൃത്യു വരിച്ചു. പോയിന്റ്് 4590 തിരിച്ചുപിടിക്കാനും ഈ നേട്ടം സഹായകമായി. പിന്നീട് മരണാനന്തര ബഹുമതിയായി മഹാവീര് ചക്ര നല്കി രാഷ്ട്രം അദ്ദേഹത്തെ ആദരിച്ചു.