മിലാന്: ഇറ്റാലിയന് ലീഗില് ഗോളടിച്ച് ക്ഷീണം തീര്ത്ത് മുന്നിര ടീമുകള്. മൂന്നു ഗോളിലേറെയാണ് ഇന്നലെ നടന്ന ഏഴു മത്സരങ്ങളിലും ടീമുകള് നേടിയത്. എ.സി.മിലാന്, സാസുവോളോ, ഫിയോറന്റീന എന്നിവര് തകര്പ്പന് ജയമാണ് സ്വന്തമാക്കിയത്.
ആദ്യ മത്സരത്തില് എ.സി.മിലാന് 4-1നാണ് സാംപദോറിയയെ തകര്ത്തത്. മറ്റൊരു മത്സരത്തില് സാസൂവോളോ എതിരില്ലാതെ അഞ്ചു ഗോളുകള്ക്കാണ് ജെനോവയെ തോല്പ്പിച്ചത്. ഗോള് മഴ പെയ്യിച്ച മറ്റൊരു മത്സരത്തില് ഫിയോറന്റീന എതിരില്ലാത്ത നാലുഗോളുകള്ക്ക് ബൊലോഗ്നയെ തകര്ത്തു.
മറ്റ് മത്സരങ്ങളില് 3-0 ഹെല്ലാസ് വെറോണ സ്പാളിനെ തോല്പ്പിച്ചപ്പോള്, റോമ 3-2ന് ടോറിനോവിനേയും ലാസിയോ 2-0ന് ബ്രെസിയയേയും ലെസ്സേ 2-1ന് ഉദിനീസയേയും പരാജയപ്പെടുത്തി. ഇബ്രാഹിമോവിച്ചിന്റെ ഇരട്ടഗോളുകളാണ് മിലാന് സാംപദോറിയയെ തോല്പ്പിച്ചത്. കളിയുടെ 4,58 മിനിറ്റുകളിലാണ് ഇബ്രാഹിമോവിച്ചിന്റെ ഗോളുകള് പിറന്നത്. 52-ാം മിനിറ്റില് ഹക്കാന് കാല്ഹനോലുവും റഫേല് ലിയോ 92-ാം മിനിറ്റിലുമാണ് ഗോളുകള് നേടിയത്.
ഫിയോറന്റീന ബൊലോഗ്ന പോരാട്ടത്തില് ഫെഡ്രികോയുടെ ഹാട്രിക്കാണ് സവിശേഷത. 48, 54, 89 മിനിറ്റുകളിലാണ് ഗോളുകള് നേടിയത്. നികോള മിലെന്കോവിച്ചാണ് നാലാം ഗോള് 74-ാം മിനിറ്റില് കുറിച്ചത്. സാസൂവോള ജനോവ മത്സരത്തില് ഫ്രാന്സെസ്കോയുടെ ഇരട്ട ഗോളുകളാണ് ആധികാരിക ജയം നല്കിയത്. 66,77 മിനിറ്റുകളിലാണ് ഗോള് പിറന്നത്. 26-ാം മിനിറ്റില് ഹമദും, 39-ാം മിനിറ്റില് ബെറാര്ഡിയും 74-ാം മിനിറ്റില് റാസ്പദോറിയുമാണ് ഗോള് നേടിയത്.