സത്യത്തിൽ എന്താണ് പേൻ? നമ്മുടെ തലയോട്ടിയിൽ താമസമാക്കി നമ്മുടെ തന്നെ രക്തം കുടിച്ച് ജീവിക്കുന്ന പരാന്നഭോജികൾ ആണ് പേൻ. കുട്ടികളെന്നോ മുതിർന്നവരെന്നോ പ്രായവ്യത്യാസമില്ലാതെ പേൻ ശല്യം ഉണ്ടാകാറുണ്ട്. വളരെ ചുരുങ്ങിയ സമയം കൊണ്ട് പെറ്റുപെരുകാനുള്ള കഴിവും ഈ ജീവികൾക്കുണ്ട്. തലയിൽ ചൊറിച്ചിൽ തുടങ്ങിയാൽ ഷാമ്പുവിനെയും കണ്ടീഷനറുകളെയുമാണ് മിക്കവരും ആശ്രയിക്കുക.
എന്നാൽ ഇനിയുമുണ്ട് കുറെ മാർഗങ്ങൾ പേനിനെ കളയാൻ.
പേൻ ശല്യലക്ഷണങ്ങളുള്ള വ്യക്തി മുടി നന്നായി നനച്ച ശേഷം സരണികളെ കട്ടിയാക്കുവാനായി കണ്ടീഷണർ ഉപയോഗിക്കുക. മുനയുള്ള ചീർപ്പ് ഉപയോഗിച്ച് മുടിയുടെ ഓരോ ഭാഗവും വാരിയെടുത്ത് പേനുകളെ പുറത്ത് കൊണ്ടുവരണം. കൂടുതൽ സമയം ആവശ്യമായി വരുമെന്നത് മാത്രമാണ് ഈ രീതിയുടെ പോരായ്മ.
ഒലിവ് ഓയിൽ, ബദാം ഓയിൽ, വെളിച്ചെണ്ണ എന്നിവയിൽ ഏതെങ്കിലും തലയിൽ പുരട്ടുക. ശേഷം നീണ്ട പല്ലുകളുള്ള ചീർപ്പ് ഉപയോഗിച്ച് മുടിയിഴകൾ വിഭജിക്കുക. ശേഷം നന്നായി ചീകുക. 1-2 ആഴ്ച അടുപ്പിച്ച് എല്ലാ ദിവസവും ഇങ്ങനെ ചെയ്യുക.
റ്റീ ട്രീ ഓയിൽ, ആര്യവേപ്പ്, യൂക്കാലിപ്റ്റസ് എന്നിവയിൽ ഏതെങ്കിലും 15-20 തുള്ളികൾ എടുത്ത് അര കപ്പ് ഒലിവ് ഓയിൽ ആയി ചേർക്കുക. ശേഷം ഇത് ഉപയോഗിച്ച് മുടി നന്നായി മസ്സാജ് ചെയ്യുക. 12 മണിക്കൂർ എങ്കിലും ഇത് തലയിൽ പിടിപ്പിക്കുക. തൊപ്പികൊണ്ടോ തുണി കൊണ്ടോ മുടി പൊതിഞ്ഞ് വെക്കുക. ചീർപ്പ് ഉപയോഗിച്ച് നല്ലവണ്ണം ചീകിയ ശേഷം മുടി കഴുകുക. പേൻ ശല്യത്തെ വേരോടെ പിഴുതെറിയാൻ ഈ രീതി സഹായിക്കും.
പേൻ ശല്യം ഉള്ളവർ ഉപയോഗിക്കുന്ന തൊപ്പികൾ, ബ്രഷുകൾ, ഹെയർ ആക്സസറികൾ എന്നിവ ഉപയോഗിക്കരുത്.
പേൻ ശല്യമുള്ള ഒരു വ്യക്തിയുടെ വസ്ത്രങ്ങളെല്ലാം ചൂടുവെള്ളത്തിൽ നന്നായി കഴുകുക. നല്ല രീതിയിൽ ഉണക്കിയെടുത്ത് ഉപയോഗിക്കുക.