തമിഴ് സിനിമാലോകത്തെ പുതുമുഖ നായികമാരില് ഏറെ ശ്രദ്ധിക്കപ്പെട്ട നായികയാണ് ഐശ്വര്യ രാജേഷ്. ഒരുപാട് പ്രതിസന്ധികളും അവഗണനയും നേരിടുമ്പോഴും തന്റെ ഉളളിലൊരു നടിയുണ്ടെന്ന ആത്മവിശ്വാസമാണ് ഐശ്വര്യയെ ഇവിടെ വരെ എത്തിച്ചത്. പല നായികമാര്ക്കും വിലകൂടിയ വസ്ത്രങ്ങളും മേയ്ക്കപ്പുമെല്ലാം ഉണ്ട്. പക്ഷേ ഇതൊന്നുമില്ലാത്ത സാധാരണ നായികയാണ് ഐശ്വര്യ. ചെറുപ്പത്തില് തന്നെ അച്ഛന് മരിച്ചു. അമ്മ വളരെ കഷ്ടപ്പെട്ടാണ് വളര്ത്തിയത്.
നല്ല കോളേജില് വിട്ട് പഠിപ്പിച്ചു. ജീവിതത്തില് അമ്മയില് നിന്നും പല പാഠങ്ങളും പഠിക്കാന് സാധിച്ചു അതുകൊണ്ടുതന്നെ അമ്മ നാഗമണിയാണ് ഐശ്വര്യയുടെ റോള് മോഡലും. മുംബൈയില്നിന്നും സാരി വില കുറച്ചു വാങ്ങി ചെന്നൈയിലെത്തിച്ച് വീടുകള് തോറും നടന്നു വിറ്റാണ് അമ്മ ഐശ്വര്യ പഠിപ്പിച്ചത്. ഒരിക്കല്പോലും ദാരിദ്ര്യം പറഞ്ഞുകേട്ടിട്ടില്ല .ഉള്ളതുകൊണ്ട് ജീവിക്കാനാണ് അമ്മ പഠിപ്പിച്ചത്. പഠിക്കുമ്പോള് തന്നെ പല ജോലികളും ചെയ്തിട്ടുണ്ട്. സൗകര്യം കുറഞ്ഞ വീടുകളില് താമസിച്ചിട്ടുണ്ട് ഐശ്വര്യയ്ക്ക് ഒരിക്കലും അതൊന്നും ഒരു കുറവായി തോന്നിയിട്ടില്ല. നാലാളുടെ മുന്നില് പറയുന്നതിലും കുറച്ചിലില്ല. മറിച്ച് അഭിമാനമാണ്.
നിറം കറുപ്പായത് ഒരു നായികയാകുന്നതിനുള്ള പോരായ്മയാണെന്ന് പറഞ്ഞ് ഒരുപാടുപേര് കളിയാക്കിയിട്ടുണ്ട്. എന്നിട്ടും സ്വന്തം കഴിവില് വിശ്വസിച്ചാണ് മുന്നോട്ടു പോയതും ഇതുവരെ എത്തിയതും. കാക്കമുട്ടൈ എന്ന ചിത്രത്തിലൂടെയാണ് ഐശ്വര്യ ശ്രദ്ധിക്കപ്പെട്ടത്. തുടര്ന്ന് ഒരുപാട് സിനിമകളില് ഐശ്വര്യ അഭിനയിച്ചു. വിജയ്സേതുപതി, മണിരത്നം, പ്രഭുദേവ, ധനുഷ്, വെട്രിമാരന്, ദുല്ക്കര് സല്മാന് എന്നിവരോടൊപ്പം ചേര്ന്ന് പ്രവര്ത്തിച്ചു. മലയാളത്തില് ജോമോന്റെ സുവിശേഷം എന്ന ദുല്ക്കര് ചിത്രത്തിലൂടെ ഐശ്വര്യ രാജേഷ് മലയാളികള്ക്കു മുന്നിലെത്തിയത്. താരത്തിളക്കമില്ലാത്ത സാധാരണക്കാരിയായ നായികയാകാനാണ് ഐശ്വര്യ രാജേഷ് ഇഷ്ടപ്പെടുന്നത്.
Comments